6 مامىر كۇنى دۇنيەگە كەلگەن سابيگە سيريالىق جاس وتباسى ۆلاديمير ءپۋتيننىڭ اتىن بەردى. مۇنىڭ سەبەبى نەدە؟
سونىمەن جاڭا ءومىر ەسىگىن اشقان ءسابيدىڭ ءاتى-جونى – ۆلاديمير پۋتين مايحۋب. ول بانيانس قالاسىنىڭ ماڭىنداعى تارتۋس قالاشىعىنىڭ ماڭىندا دۇنيەگە كەلگەن. جاس وتباسى مۇنداي قادامعا بارۋىن قيىن-قىستاۋ كەزەڭدە رەسەيدىڭ سيرياعا كومەك كورسەتۋىمەن تۇسىندىرەدى.
سيريانىڭ ۇكىمەتتىك كۇشتەرىنە، رەسەي ارمياسى مەن حالقىنا العىسىم شەكسىز. قازىرگى تاڭدا ءبىزدىڭ ەلدى قولداپ، لاڭكەستىكپەن كۇرەستە ساياسي، اسكەري جاعىنان قولداۋ كورسەتىپ وتىرعان وسى ەكەۋى عانا. ولار – باشار اساد پەن ۆلاديمير پۋتين. ءبىز، اسىرەسە رەسەي ارمياسىنا ريزاشىلىعىمىزدى بىلدىرەمىز. ويتكەنى ولار ءبىزدىڭ بالالارىمىزدىڭ بولاشاعى ءۇشىن كۇرەسىپ جاتىر، – دەيدى ۆلاديمير ءپۋتيننىڭ اكەسى نۋرس مايحۋب.
–ارينە، اراب جۇرتشىلىعى ءۇشىن بالامنىڭ اتىن اتاۋى قيىنعا تۇسەدى. ءبىراق ءبىز باقىتتىمىز، – دەيدى ءسابيدىڭ شەشەسى سالۆا ابباس.
نۋرس مايحۋب پەن سالۆا ابباستىڭ وتباسىندا مۇنان وزگە تاعى ءبىر قىزى بار.
شولۋشى: گۇلىم جاقان
