كوكتەم باستالار ۋاقىتتا تايلاند تۇرعىنى ءۇي شارۋاسىمەن اينالىسىپ ءجۇرىپ ءبىرتۇرلى دىبىستاردى ەستىگەن، الايدا العاشقى كۇندەرى ءمان بەرمەگەن. ءبىراق دىبىس بارعان سايىن ۇدەي تۇسەدى. تايلاندتىق ايەل مۇنىڭ نەنىڭ دىبىسى ەكەنىن بىلمەك بولىپ، ءىرى اعاشتىڭ ماڭىنا قاراي جاقىندايدى. سونداعى كورگەنى ايەلدىڭ جاعاسىن ۇستاتتى.
اعاش تۇبىندە توپىراق استىنان بالانىڭ ساۋساقتارىن كورگەن ول بىردەن پوليسەي قىزمەتكەرلەرىنە حابار بەرەدى. جەرگە كومىلگەن ءسابيدىڭ دەنەسىندە پىشاق ىزىنەن قالعان تىرتىقتار بولعانىمەن، ءبىر عاجايىپتىڭ كۇشىمەن بولۋ كەرەك، ءسابي ءتىرى بولىپ شىققان.
پوليسەي قىزمەتكەرلەرى شارا قولدانىپ، بالانى امان الىپ قالۋ ءۇشىن قولدارىنان كەلگەنىنىڭ ءبارىن جاسادى.
قۋانىشقا وراي، بالا قۇتقارىلىپ، بۇگىندە ونى جاس وتباسى اسىراپ العان. ال ءسابي تولىعىمەن ايىعىپ، جاڭا اتا-اناسىنىڭ قامقورلىعىنا بولەندى.
بۇگىنگى قوعامدا بوتەن تۇرماق، ءوز سابيىنە اياۋشىلىق تانىتپاعان اتا-انانىڭ قاراسى كوبەيدى. اتا-انا دەپ ايتۋعا اۋىز بارمايدى ەكەن. «ءسابيىن تاستاپ كەتتى، كومىپ كەتتى، باس تارتتى» دەگەن اقپارات بەلەڭ الىپ تۇرعان بۇل زاماندا ادام بالاسى ايۋان قۇرلى بولماعانى كۇيىندىرەدى.
دايىنداعان: گۇلىم جاقان
