پەكين قالاسىنىڭ ورتالىعىندا ادامداردىڭ جۇرەگىن ەلجىرەتەتىندەي وقيعا بولدى دەپ جازادى قامشى اقپاراتتىق اگەنتتىگى. قينالعان اكە كوشەنىڭ ورتاسىندا ءىش كيىممەن، قولىنا تاياق الىپ، تىزەرلەپ تۇردى.ونىڭ جانىندا پلاكات تۇرعان بولاتىن. ادامدار بۇل پلاكاتتاعى ءماتىندى وقىماي كەتە المادى. بارلىعى اكە قايعىسىن ءتۇسىنىپ، قولدارىنان كەلگەنشە اقشا تاستاپ كەتتى. 

پلاكاتتا:«مەنى بالامدى قۇتقارۋ ءۇشىن ۇرىڭىزدارشى. وعان كورۋ جۇيكەسىنە بايلانىستى اتروفيا اتتى دياگنوز قويىلعان. تەزىرەك وتا جاسامايتىن بولساق بالامىز مۇلدەم كورمەي قالادى»، -دەپ جازىلعان.

باسقا امالى بولماعان اكە ءىش كيىممەن كوشەدە تۇرىپ، 10 يۋان ءۇشىن ءوزىن تاياقپەن ۇرۋدى وتىنەدى. بۇل ۇلىن امان الىپ قالۋدىڭ سوڭعى جولى ەدى. ادامدار وعان اقشا بەردى، ءبىراق ونى ەشقايسىسى ۇرعان جوق.

بۇل ەر ادامنىڭ ەسىمى فان فۋدجي. ول قىتايدىڭ باتىس جاعىندا ورنالاسقان چۋنسيندە تۇرادى. ونىڭ ۇلى وتە سيرەك كەزدەسەتىن اۋرۋعا شالدىققان. ول اتروفيادان باسقا دا گەنەتيكالىق اۋرۋلارمەن اۋىرادى ەكەن.

سابيگە تەز ارادا وتا جاسالمايتىن بولسا، سوقىر بولىپ قالادى. وتا جاساتۋ ءۇشىن 100000 يۋان كەرەك. بۇل وتباسى وتە كەدەي بولعاندىقتان، وسىلاي ىستەۋگە ءماجبۇر بولعان.

بۇل وقيعانى جۇڭگو ب ا ق وكىلدەرى جاريالاپ، اقشانىڭ ارتىسىن جيناپ ۇلگەرگەن. سونىمەن بىرگە پەكيننەن ءسابيدى ەمدەي الاتىن دارىگەر دە تابىلعان. ءبىراق بۇل وتادان كەيىن ءسابي تولىق كورە الادى دەپ سەنىممەن ايتا الماسا، كورۋ قابىلەتىن ازدا بولسا جاقسارتۋعا بولادى دەپ سەندىرەدى.

ازىرگە جينالعان اقشا وتا جاساۋعا جەتىپ جاتىر. قالعان اقشانى دا قىتايلىق اكە ءبىراز ۋاقىتتان كەيىن تاباتىنىنا سەنىمدى.

شولۋشى: اسەل وتەشوۆا