پەتروپاۆل تۇرعىنىنا ءسۇت ورنىنا سۋ ساتقان، دەپ جازادى قامشى اقپاراتتىق اگەنتتىگى.
پەتروپاۆل تۇرعىنى دۇكەننەن ەكى پاكەت ءسۇت ساتىپ العان، الايدا ءىشى سۋعا تولى بولعان. ايەل ادام ەرەكشە تاۋارىن ۆيدەوعا ءتۇسىرىپ الىپ، عالامتورعا سالدى.
«پەتروپاۆلدىڭ ءسۇتى وسىنداي. ماسقارا! ءبىر قورابىن اشقانىمدا ءسۇتتىڭ ورنىنا سۋ شىقتى» دەپ جازدى تۇرعىن ۆيدەونىڭ استىنا.
ج ش س «كازمولتورگ» زاۋىتىنىڭ قىزمەتكەرى بۇل جاعدايدى دۇكەن ساتۋشىلارىنىڭ قاتەلىگىنەن بولعان دەپ ءتۇسىندىردى.
«سورەدە كورسەتىلىمگە ارنالعان جاساندى تاۋارلار تۇرادى. ءسۇتتىڭ دە سونداي جاساندى تاۋارى بولدى. ونىڭ ارتقى بەتىندە قىزىل سىزىق بار. اۋىستىرىپ تۇرماس ءۇشىن ءىشىن سۋعا تولتىرىپ قويعان. سول نۇكتەدە جۇمىس ىستەپ جۇرگەن ساتۋشى بىرنەشە مينۋتقا شىعىپ كەتكەن، ال باسقا ءبولىمنىڭ ساتۋشىسى ءسۇت قورابىنىڭ سۋعا تولىپ تۇرعانىن بىلمەگەن. ءبىز سۋعا تولى ءسۇت قورابىن ساتىپ العان ايەلدى شاقىرىپ، ۇستىنەن قوسىمشا ءۇش ءسۇت بەردىك. بۇل ابايسىزدا بولعان قاتەلىك. ەشكىم ءسۇتتىڭ ورنىنا سۋ ساتا قويماس» دەپ ايتتى كاسىپورىن ديرەكتورى ۆياچاسلاۆ كوتلوۆسكيي.
