وسى باسقا ۇلتتىڭ وكىلدەرى نە ىستەپ، قالاي كۇن كورىپ جاتىر ءوزى؟.. بارلىق جۇمىستى قازاقتار ىستەپ جاتىر. قايدا بارسام دا الدىمنان قازاق شىعادى.

تاڭدا تۇرىپ، جۇمىسقا شىققاندا جانارماي بەكەتىنە سوعامىن.

- «سىزگە 92 ما؟»، - دەپ قارسى الاتىن جىگىت قازاق. اقشاسىن تولەۋگە كاسساعا بارسام وندا دا قاسى كوزى قيىلعان قازاق قىزى. كىشىسىن بالاباقشاعا، ۇلكەن مەكتەپكە اپارعاندا نەمەسە كەشتە الاردا اۋلا سىپىرىپ جۇرگەن، ەدەن ءسۇرتىپ جۇرگەندەر دە قازاقتار. باعدارشامنىڭ جاسىل ءتۇسى جانعاندا ويلانىپ تۇرىپ قالساڭ، سيگنالىن باجىلداتىپ بوقتاپ كەتەتىن جۇيكەسى جۇقارعان جۇرگىزۋشى دە قازاق. ايالداماعا كەلىپ توقتاعان اۆتوبۋستاردىڭ ءبارىنىڭ شوپىرى قازاق. - التى نوردا، التى نوردا، التى نوردا جۇرەمىز. كەتتىك، كەتتىك، كەتتىك،- دەپ ايقايلاپ تۇرعان اقشا جيناۋشى دا قازاق. ابايسىزدا، كەيدە اسىعىپ كەلە جاتىپ ادەيى جول ءتارتىبىن بۇزساڭ: ۆاديتەل اۆتمابيليا نومەر ا دەبيتسوت دۆاتسات ۆوسەم پراۆا پريمي"، دەپ توقتاتىپ الاتىن جول پوليسياسى قىزمەتكەرى دە قازاق. نومەرىڭدى باستانابيت ەتۋ ءۇشىن بيلاين سەنترگە بارساڭ، وندا دا كىلەڭ قازاق قىزدارى. جارىق پەن جىلۋدىڭ اقشاسىن تولەۋگە بانككە بارساڭ وندا دا قازاق جاستارى. شاشتارازدارداعى شاش الاتىندار دا، اكىمشىلىكتەگى شاش ال دەسەڭ، باس الاتىندار دا قازاقتار. سۋحافرۋكتى ساتاتىن تاجىكتەر مەن كورەيسكيي سالات ساتاتىن قىسىق كوز قاتىنداردى ەسەپتەمەگەندە، كوك بازاردىڭ ءىشى-سىرتى قازاقتار. "ەدينيسا زاگىررۋجىباەم، زاگگىررۋجىۆاەم ەدينيسا" دەپ كۇشەنىپ سويلەپ وتىرعان قارىنداستار دا قازاقتار. ءديبيديدىڭ ديسكىسىن ساتىپ وتىرعان دا ءبىزدىڭ باۋىرلار. ءدارىحاناعا سوعىپ ءدارى الساڭ، زادچاڭا ەركىڭنەن تىس اسكاربينكا ۇستاتىپ جىبەرىپ ۋحوجەننىي تاتەشكالار دا قازاقتار. "قۋانىش"، "شاتتىق"، "مەرەكە"، "بەرەكە" دەپ كەتە بەرەتىن تويحانالاردىڭ ءبارىنىڭ يەسى قازاقتار. ونداعى اسپازدان، داياشىعا دەيىنگىلەردىڭ ءبارى قازاقتار. پارى جاقسى دەپ وبششىي بانياعا بارساڭ، دۋشتىڭ سۋىن توقتاتپاي كەتىپ جۇيكەڭە تيەتىن، پاردا بىلقىپ تەرلەپ، راحاتتانىپ وتىراتىن كوكەشكالار دا قازاقتار. نە كەرەك، قايدا بارساڭىز دا، قانداي قىزمەتتى كەرەك ەتسەڭىز دە قازاقتار. قازاقستانداعى ەڭ سوڭعى پايدا بولعان قىزمەت ءتۇرى - ترەزۆىي ۆوديتەل. سوندا قىزمەت ەتەتىن دەنى دۇرىس جۇرگىزۋشىلەر تۇتاسىمەن قازاقتار. باراحولكاداعى ورتەنىپ كەتكەن كونتەينەرلەردىڭ ءبارىنىڭ يەلەرى قازاقتار. ونى ءوشىرىپ جۇرگەن پاجارنيكتەر دە قازاقتار. ونى ارنايى تاپسىرمامەن ورتەگەندەر دە قازاقتار. ورتەتكەندەر دە قازاقتار. ءتۇننىڭ ءبىر ۋاعىندا بىرەۋمەن جاعالاسىپ، پاترۋلگە ءتۇسىپ قالساڭىز، تاق ءبىر ءقاۋىپتى قىلمىسكەردى ۇستاپ العانداي قولىڭدى قايىرىپ، جامان نەكسياسىنا ەكى بۇكتەپ تىعىپ، روبقا اپاراتىن دا قازاقتار. ول جەردە ءبىراز ۇستاپ جىبەرە سالاتىندار دا قازاقتار. ولارعا "ءبىزدىڭ ىنىشەك ەدى عوي" دەپ جوعارعى جاقتان ىزباندايتىن دا قازاقتار. اكىمشىلىك سوتقا بارساڭىز، سوت ەمەس ماماڭ قۇساپ، "قىزمەتتەرىڭ دە ءتاۋىر ەكەن، وزدەرىڭ دە اپ-ادەمى جىگىتسىڭدەر، بۇلارىڭ نە ەندى، ۇيات ەمەس پە" دەپ اقىل ايتىپ وتىراتىن سۋديا تاتە دە قازاق.  جەردى ساتىپ جاتقان دا قازاقتار. سول جەردى 7 سوتيدان ءبولىپ، الىپ جاتقاندار دا قازاقتار. سول جەرىنە ادەمىلەپ ءۇيدى سالىپ جاتقاندار دا قازاقتار. باي دا قازاق، كەدەي دە قازاق. ءال-فارابيدىڭ بويىمەن گەلەنۆاگەندى اڭىراتىپ بارا جاتقان دا، التىن وردا بازارى جاقتا 1989 جىلعى ۆولگانى ماڭىراتىپ بارا جاتقان دا قازاق. نە كەرەك، ءبارى قازاق. 

بۇگىن الەمنىڭ مىقتىلارىن ساباپ جاتقاندار دا قازاقتار. باسقا ۇلتتار قايدا ءجۇر؟ ولار سوندا پودۆالدا تىعىلىپ ءومىر ءسۇرىپ جاتىر ما؟  وسىعان قاراپ قازاقستانداعى قازاقتاردىڭ كوز مولشەرلى ساناعىن جاساۋعا بولادى... ءبىز كوپپىز.  P.S. بىزدە ەكى ساناقتىڭ قورىتىندى ناتيجەسى اۋىسىپ كەتكەن سياقتى.  رەسمي مالىمەت سايلاۋدا بيلىككە داۋىس بەرگەندەر 91 پايىزدى قۇرادى دەيدى. ال قازاقستانداعى قازاقتار 65 پايىز دەيدى. ءاي وسى ەكى سان كەرىسىنشە شىعار. بيلەككە حالىقتىڭ 65 پايىزى داۋىس بەرىپ، قازاقستانداعى قازاقتاردىڭ سانى 91 پايىزدى قۇراعان شىعار.  بىلمەيمىن، ماعان سولاي كورىنەدى. سەنبەسەڭىز جان-جاعىڭىزعا قاراڭىز. قالانىڭ وزىندە وسىلاي. ال، اۋىل تۇتاسىمەن قازاق ەمەس پە. قازاقتار ماڭگى جاساسىن!

(Facebook-تەگى پاراقشاسىنان)