تانىمال فيزيك ستيۆەن حوكينگ ءوزىنىڭ جەردىڭ بولاشاعى تۋرالى بولجامىن وزگەرتكەن. بۇل تۋرالى قامشى اقپاراتتىق اگەنتتىگى حابارلايدى. بريتاندىق عالىم جاڭا بولجامىن حالىققا جاريا ەتكەن. عالىمنىڭ ايتۋى بويىنشا ادامزات بالاسىنا باسقا پلانەتاعا كوشۋ ءۇشىن 100 جىل ۋاقىتى عانا بار.

«كليماتتىڭ وزگەرۋى، استەرويدتار سوقتىعىسى، ءتۇرلى ەپيدەميالار، ادام سانىنىڭ كۇر ءوسۋى- بارلىعى جەر شارىن تۇراقسىزدىققا اكەلۋدە»-دەيدى ول ءوزىنىڭ جاڭا دەرەكتى فيلمىندە.

وسى ورايدا ادامدار جاڭا عالامشارعا الداعى  100 جىل ىشىندە كوشىپ ۇلگەرۋى كەرەك. ولاي بولماعان جاعدايدا ادامزات جوعالىپ كەتۋى قاۋپىنە كەزىگەدى.

وسىعان دەيىن عالىم ادامزات 1000 جىلدان كەيىن جويىلادى دەگەن بولجام جاساعان بولاتىن.  جەر شارى ادامدارى ءۇشىن ەڭ ءقاۋىپتى نارسە- يادرولىق سوعىس، جاھاندىق جىلىنۋ، گەنەتيكالىق موديفيكاسيالانعان ۆيرۋستار مەن جاساندى ينتەللەكت دەيدى ول.

شولۋشى: نازەركە مۇسا