جالپى بيىلعى ۇبت ءبىرىنشى رەت ەكى كەزەڭمەن وتكەلى وتىر. مەكتەپ اتتەستاتىن الۋ جانە جوعارعى وقۋ ورىندارىنا ءتۇسۋ ءۇشىن تەست بولەك-بولەك تاپسىرىلادى. ءارى ءبىرىنشىسىنىڭ قورىتىندىسى، ەكىنشىسىنە ەش قاتىسى جوق. ءتىپتى، مەكتەپتى «التىن بەلگىگە» بىتىرگەندەر دە بيىل جەڭىلدىكتىڭ بارىنەن قاعىلادى دەپ حابارلايدى قامشى اقپاراتتىق اگەنتتىگى كتك ارناسىنا سىلتەمە جاساي وتىرىپ.
«وقۋشىلارعا «التىن بەلگى» تەك قانا مەكتەپتە بەرىلەدى. ەگەر ەكى وقۋشى بىردەي بالل السا، «التىن بەلگىگە» بىتىرگەن بالا عانا جەڭىلدىككە يە بولا الادى. ال گرانتقا كەلگەندە ءاربىر بالا ءوزى قانشا بالل الدى، سول باللعا بايلانىستى عانا گرانت بەرەمىز»،- دەيدى ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا.
تاعى ءبىر وزگەرىس كوللەدجدەردەن كەيىن كەشەندى تەست تاپسىراتىندارعا قاتىستى. ەندى ولار مەكتەپ باعدارلاماسىن جاتتاپ باس قاتىرمايدى. تەك ءوز ماماندىعىنا قاتىستى تەستىلەۋدەن وتەدى.
«بۇل جالپى كاسىپتىك جانە ناقتى ماماندىققا قاتىستى پاندەر. وسى ەكى پانمەن مەملەكەتتىك گرانتقا ءوتىنىش بەرە الادى. ال ەگەر ماماندىعىن مۇلدەم اۋىستىراتىن بولسا، مىسالى گۋممانيتارلىقتان تەحنيكالىققا، وندا كادىمگى ۇبت تاپسىرادى»، دەپ حابارلادى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى دارحان احمەت-زاكى،
پىكىر قالدىرۋ