رامازان – پەندەنىڭ جاراتۋشىسىنا جاقىنداي تۇسەتىن ۋاقىتى  دەپ جازادى mazhab.kz. وسى مۇمكىندىكتى ءاربىر مۇسىلمان جىبەرىپ الماۋى كەرەك. رامازان ايىنا قالاي دايىندالۋ كەرەك؟ وسى ايدا نەندەي نارسەلەردى جاساعان ءجون؟

1. نيەت ەتۋ. 
   رامازان ايىندا مەيلىنشە جاقسى ىستەردى جاساۋعا نيەتتەنگەنىڭىز ماقۇل. ول قۇران وقۋ، قوسىمشا نامازدار، ساداقا بەرۋ، مەشىتتە ناماز وقۋ سياقتى مىندەتتى ءارى يگى ىستەردەن باستالادى.
2. تاۋبە ەتۋ. 
   اللادان قاتەلىكتەرىڭىز بەن كۇنالارىڭىز ءۇشىن كەشىرىم تىلەپ، رامازاندى تازا جۇرەك پەن جان تىنىشتىعىمەن قارسى العانىڭىز ءجون.
3. وسى ايدا جاسايتىن ىستەرىڭىزدىڭ ءتىزىمىن جاساپ قويىڭىز.
   ءار كۇنىڭىزدى بوسقا وتكىزبەۋگە تىرىسىڭىز. ول امالدار ءومىرىڭىزدىڭ بارلىق سالاسىن قامتۋى ءتيىس: اللاعا قۇلشىلىعىڭىز، ءبىلىم، جۇمىس، قوعام، تۋعان تۋىس، وتباسى، دەنساۋلىق جانە ت.ب.
4. الداعى رامازان كەلىپ جەتكەنشە وتكەن ورازاڭىزدىڭ قازاسى بولسا وتەڭىز.
5. ورازاعا «جاتتىعۋ» جاساڭىز. 
   اعزاڭىزعا بىردەن تاماقتان تىيىلۋ قيىن بولادى، سوندىقتان تاماقتىڭ مولشەرىن ازايتىپ وتىرىڭىز. كەز كەلگەن ءبىر كۇنى ورازا ۇستاپ «جاتتىعۋ» جاساپ كورىڭىز. قۋىرىلعان، مايلى جانە اششى تاعامداردى، كوفە مەن گازدالعان سۋسىنداردان باس تارتىڭىز. ولار دەنساۋلىققا وتە زياندى.
6. ەگەر بەرەشەكتەرىڭىز بولسا ولاردان قۇتىلىپ، بىتپەگەن جۇمىستارىڭىزدى تەزىرەك اياقتاۋعا تىرىسىڭىز. سوندا ويىڭىز ءبولىنىپ، الاڭداماي رامازانعا ەش ۋايىمسىز دايىندالاتىن بولاسىز.
7. تاعى ءبىر مىندەتتى نارسە – ەسكى، كەرەكسىز زاتتاردان ارىلىپ، ءۇيىڭىزدى مۇقيات تازالاپ، جيناعانىڭىز دۇرىس.

       قاسيەتتى رامازان ايىن جاقسى وتكىزۋىمىز ءۇشىن اللا بىزگە مول قايرات، ءبىلىم مەن يمان بەرسىن!