1994 جىلى قايعىلى وقيعا بولدى. رونالد وپۋس ەسىمدى جاس امەريكاندىق وزىنە قول جۇمساۋدى ۇيعارادى. ولەر الدىندا مۇنداي قادامعا بارۋىنا قارجىلىق قيىندىقتار مەن اتا-اناسى كىنالى ەكەنىن ايتادى. وسىدان كەيىن توعىزىنشى قاباتتان سەكىرىپ كەتەدى.
بيىك عيماراتتاردىڭ تەرەزەسىن جۋۋمەن اينالىساتىندار جەتىنشى قاباتتا ساقتىق ءۇشىن ارنايى توردى ءىلىپ قويعاندىعىن بىلگەندە، سۋيسيد جاساۋدىڭ باسقا ءادىسىن ويلاپ تابار ما ەدى. الايدا بالا تومەنگە قاراي قۇلاپ كەلە جاتقاندا 8ء-شى قاباتتىڭ تۇرعىندارىنىڭ ءبىرىنىڭ اتقان وعى بالانىڭ باسىنا ءتيىپ ول كوز جۇمادى.
رونالدتىڭ ءمايىتىن توردان الىپ شىعىپ، كىم ەكەنىن انىقتاپ جاتقاندا وقتان قايتىس بولعانى بەلگىلى بولادى. پوليسەيلەر وق اتقان ادامعا ابايسىزدا كىسى ءولتىرۋ بويىنشا قىلمىستىق جاۋاپكەرشىلىككە تارتۋ كەرەك دەپ شەشەدى.
ارى قارايعى تەكسەرۋ بارىسىندا جاڭا ءجايتتاردى انىقتايدى. بەلگىلى بولعانداي، ەر ادام ءوزىنىڭ ايەلىن اتپاق بولعان. الايدا وق ايەلىنە ەمەس تەرەزەگە تيگەن. بۇل دەگەنىمىز ابايسىزدا كىسى ءولتىرۋ ايىبىنا تاعى قاساقانا كىسى ولتىرۋگە وقتالۋ بابىن قوسۋ دەگەن ءسوز.
ەر ادام ايەلىمەن ۇرىسقاندا اشۋ ۇستىندە ۇنەمى تاپانشامەن جۇبايىن قورقىتادى ەكەن. الايدا قارۋ وقتالماعانىن جانە ەر ادام ايەلىن قورقىتۋ ءۇشىن عانا قولداناتىنىن ايتقان.
جۇبايلاردىڭ ەكەۋى دە قابىرعادا ءىلىنىپ تۇرعان قارۋ ەشقاشان وقتالماعانىن ايتقان. امەريكانىڭ زاڭىنا سايكەس، ەندى تاپانشانى كىم وقتاعانىن ىزدەۋ قاجەت ەدى. بولمەگە تەك بالاسى عانا ەركىن كىرە الاتىن. پوليسەيلەر بالاسىنىڭ دوستارىنا حابارلاسىپ كوپ اقپاراتتى ءبىلدى.
بالاسى اكەسىنىڭ اناسىنا ۇنەمى قابىرعادا ءىلىنىپ تۇرعان تاپانشامەن قورقىتاتىنىن بىلگەننەن كەيىن ونى وقتاپ قويعان. وسىلايشا اكەسى اناسىن اتىپ تاستاپ تۇرمەگە وتىرادى دەپ ۇمىتتەندى. الايدا اتا-اناسى سوڭعى ءبىر اي ءتاتۋ-تاتتى تۇرعان. بۇل بالاسىنىڭ جوسپارىن ىسكە اسىرماعان. وسىنىڭ بارلىعىن ۇيىمداستىرعان بالاسى ەكەنىن بىلگەن اكەسى اشۋعا بۋلىعىپ، بالاسىنىڭ سازايىن بەرۋگە بەكىنگەندە، بالاسىنىڭ ءبىر قابات جوعارى تۇراتىنى بەلگىلى بولدى.
وزىنە قول جۇمساعان رونالد وپۋس سولاردىڭ بالاسى بولىپ شىقتى. تاپانشانى رونالد وقتاعانى بەلگىلى بولدى جانە ارام پيعىلى وزىنە قارسى جاسالدى.
دايىنداعان: اسەم المۇحانبەت
