ەلدە جانارماي تاپشىلىعى تاعى باستالدى. اسىرەسە، كولىگى كوپ الماتىدا وسىمەن ەكىنشى تاۋلىك اي-92ء-نى قويىپ، 80ء-نىڭ دە ءوزى جوق. ال بار جەرلەردە ۇزىن سونار كەزەك پەن ادەتتەگىدەي تالوندىق جۇيە ورناعان. بۇل تۋرالى Nur.kz سايتى جازدى. ءقازىر مونوپولياعا قارسى كوميتەت وكىلدەرى تالعان جاعدايعا قىزمەتتىك تەكسەرۋ باستاعان. سەبەبى بۇل جولعى جانارماي تاپشىلىعى ادەيى، قولدان جاسالىپ وتىرۋى مۇمكىن دەگەن كۇدىك بار.

ۇكىمەت تاپشىلىقتى ازايتۋ ءۇشىن رەسەيدەن وزگە ەلدەرمەن دە ارادا بەنزين تاسىمالداماق. ەلدەگى بەنزين تاپشىلىعى سالدارىنان ادەتتەگىدەي جانارماي ىزدەپ، بەكەت-بەكەتكە سابىلعان كولىك جۇرگىزۋشىلەرى بەنزين باعاسىنىڭ قىمبات، تەك تالونمەن  بەرىلىپ جاتقانىنا نارازى. اسىرەسە، بەنزيننىڭ ەڭ ءوتىمدىسى – اي-92 ماركاسى جوق. ءتىپتى كەي بەكەتتەردە 80ء-نىڭ ءوزى دە ساتىلىم تىزىمىنەن الىنعان.

ەستەرىڭىزدە بولسا، تامىز ايىندا جانارماي جەتىسپەۋشىلىگى بايقالىپ، ەڭ ءوتىمدى اي-92ء-نىڭ باعاسى 115-تەن 128 تەڭگەگە كوتەرىلىپ شىعا كەلگەن-دى.

قامشى-اقپارات