2003 جىلى ءبىزدىڭ عالامشارىمىزعا دجۋليانا اتتى ەرەكشە قىز دۇنيەگە كەلدى. ونىڭ بەت-الپەتىندەگى بەت سۇيەكتەرىنىڭ 30-40 % جوق بولعان دەپ جازادى قامشى اقپاراتتىق اگەنتتىگى. دارىگەرلەردىڭ  ايتۋى بويىنشا، بۇل وتە ءقاۋىپتى ءارى سيرەك كەزدەسەتىن سيندرومداردىڭ ءبىرى. ءقازىر دجۋليانا 7 جاستا. وعان 10-نان استام پلاستيكالىق وپەراسيا جاسالعان. ونىڭ بەت-الپەتى بۇرىنعىعا قاراعاندا رەتتەلگەن.

سيندروم تريچەر كوللينزا دەپ اتالادى ەكەن. دجۋليانا فلوريدا شتاتىنداعى كىشكەنتاي قالادا تۇرادى ەكەن. دجۋليانانىڭ اناسى العاشقى تەكسەرۋدەن كەيڭن-اق بالاسىنىڭ دەنساۋلىعىندا كىنارات بولاتىنىن بىلگەن. ءبىراق جاعداي ءدال وسىنداي قيىن بولادى دەپ بولجاعان جوق ەدى. ونىڭ اكەسى قىزى دۇنيەگە كەلە سالىسىمەن ونىڭ ءومىر ءۇشىن كۇرەسە الاتىنىنا سەنگەن. ول العاشىندا اۋزىمەن تاماق جەي الماعان، كەڭىردەك ارقىلى تىنىس العان.

قازىرگى كەزدە اناسى دجۋلياناعا قامقور بولىپ ءجۇر. شەتەلدەگى ب ا ق وكىلدەرى دجۋليانانى بەت-الپەتسىز قىز دەپ اتاپ كەتكەن. دجۋليانا ءوزىنىڭ بەت-بەينەسىنە قااماستان كۇلە دە، رەنجي دە الادى. ول ءوزىنىڭ اپكەسىمەن ويناعاندى جاقسى كورەدى.

زاماناۋي مەديسينا تاڭعاجايىپ دۇنيە جاسادى. دجۋليانا 2 جاسقا تولعانعا دەيىن 14 وپەراسيا جاسالعان. دارىگەرلەر قولدارىنان كەلگەننىڭ بارلىعىن جاساۋدا. وپەراسيادان كەيىن دجۋليانانىڭ ەستۋ قابىلەتى مەن تىنىس الۋى جاقسارعان. جاقىن ارادا ونىڭ بەت تەرىسىن اۋىستىرۋى مۇمكىن.

دجۋليانا بارلىق وپەراسيالارعا شىدامدىلىق تانىتۋدا. ونىڭ اتا-اناسى بارلىق قيىندىقتى جەڭىپ شىعاتىنىنا سەنىمدى بولىپ وتىر. 

دايىنداعان: اسەل وتەشوۆا