ءناججار ۇلدارى رۋىنان حريستيان ءبىر ادام بار ەدى. كەيىن مۇسىلمان بولدى. باقارا جانە ءالي-يمران سۇرەلەرىن وقيتىن. حازىرەتى پايعامبارىمىزدىڭ ﷺﷺ حاتشىلىق قىزمەتىن اتقاراتىن. بۇل ادام ءبىرشاما ۋاقىتتان كەيىن مۇسىلمانداردىڭ اراسىنان قاشىپ، قايتادان حريستيان بولدى. ءسويتىپ «مۇحاممەد مەنىڭ ءوزى ءۇشىن جازىپ بەرگەندەرىمنەن باسقا ەشتەڭە بىلمەيدى» دەي باستادى. حريستياندار مەن ياھۋديلەر الگىنى توبەلەرىنە كوتەردى. ءبىر كۇنى بۇل ادام ءولىپ، حريستياندار ونى جەرلەردى. ەرتەسى كۇنى تاڭەرتەڭ الگى ادام سىرتتا جاتقان. جەر قابىلداماعان. بۇعان حريستياندار:

– بۇل مۇحاممەدتىڭ ساحابالارىنىڭ ءىسى. دىندەرىن تاستاپ، قاشىپ كەتكەندىگى ءۇشىن دوسىمىزدىڭ ءقابىرىن اشىپ، ءمايىتىن سىرتقا لاقتىرىپ تاستادى، – دەي باستادى. ءسويتتى دە الگىنى ءقابىردى تاعى دا تەرەڭىرەك قازىپ، قايتا كومدى. ەرتەسى كۇنى تاڭەرتەڭ الگى ادامنىڭ تاعى دا سىرتتا جاتقانىن كوردى. بۇل جولى دا:

– بۇنى مۇحاممەدتىڭ ساحابالارى جاسادى. دىندەرىن تاستاپ كەتكەندىگى ءۇشىن دوسىمىزدىڭ مازارىن اشىپ، دەنەسىن سىرتقا شىعارىپ تاستادى، – دەدى.

وسى جولى ءقابىردى قولدارىنان كەلگەنشە تەرەڭ قازىپ، الگى دوستارىن تاعى دا جەرلەدى. ءبىراق ءبارىبىر تاڭەرتەڭ الگى جەر بەتىنەن تاپتى. جەر قويناۋىنا قابىلداماي، تاعى دا سىرتقا شىعارىپ تاستاعان ەكەن. وسىدان كەيىن حريستياندار بۇل ءىستىڭ ادام قولىنان كەلمەيتىنىن ءتۇسىندى دە، دوستارىن سول كۇيى سول جەرىندە تاستاپ كەتتى.