اتىراۋ وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا قاراجىگىتوۆ اتىنداعى №16 مەكتەپتە ورىن العان كىسى ولىمىنە قاتىستى ءىس اياقتالدى، دەپ حابارلايدى قامشى اقپاراتتىق اگەنتتىگى 365info.kz-كە سىلتەمە جاساپ. 

سوتتا حابارلاعانداي، زارداپ شەككەن مەكتەپ ءمۇعالىمى مەن ونى ولتىرگەن سانتەحنيك مەكتەپ عيماراتىندا وتىرىپ ىشىمدىك ىشكەن.  ارتىنشا   ەكى ەر ادام سوزگە كەلىپ، ارتى  توبەلەسپەن جالعاسقان. دەنە شىنىقتىرۋ ءپانىنىڭ ءمۇعالىمى بوكستىڭ تاسىلدەرىن پايدالانىپ سانتەحنيكتى  سوققىعا جىعا باستاعان. 

وسىلايشا، ولاردىڭ اراسىندا جانجال تۋىنداپ، ناتيجەسىندە اشۋلانعان سانتەحنيك ونى اياق كيىم باۋىمەن بۋىندىرىپ ولتىرگەن.

سالدارىنان، سوت سانتەحنيكتى قازاقستاننىڭ قىلمىستىق كودەكسىنىڭ 99-بابى، 1ء-بولىمى بويىنشا سەگىز جىلعا باس بوستاندىعىنان ايىرۋ تۋرالى ۇكىم شىعاردى.

سوت  اتىراۋ وبلىسىنىڭ اكىمىنە جۇمىس ورنىنداعى تارتىپسىزدىكتىڭ ورىن الۋىنا بايلانىستى ەسكەرتۋ جاسادى. 

الايدا سوت ۇكىمى زاڭدى كۇشىنە ەنگەن جوق.

شولۋشى: ايگەرىم تاۋباي