دەرەككە سۇيەنسەك، ءقازىر شەتەلدىك لاڭكەستىك ۇيىمداردىڭ جەتەگىندە جۇرگەن 100 مىڭنان اسا وتانداسىمىز بار.  الماتى ارناسى كەلتىرگەن بۇنداي مالىمەتتى ەلىمىزدىڭ باس پروكۋراتۋراسى مالىمدەگەن. جىل باسىنان بەرى ەكسترەميزم مەن تەرروريستىك ارەكەتكە قاتىسى بار دەگەن 30 قانداسىمىز تەمىر تورعا توعىتىلعان.

سونىمەن قاتار، عالامتور ارقىلى وزگە باعىتتى ۇگىتتەيتىن 1000-نان اسا جازبا ماتەريالعا توسقاۋىل قويىلىپتى. ەلىمىزدە 2004 جىلدان بەرى 15 تەرروريستىك، 6 ەكسترەميستىك ۇيىم انىقتالعان. سەنات ەكسترەميزمگە قارسى ۇسىنىلعان قۇجاتتى كەرى قايتارعان. ويتكەنى، وندا ەكسترەميستىك نەمەسە تەرروريستىك ۇيىم بولىپ تابىلاتىن، سونداي-اق، ەلىمىزدىڭ تىنىشتىعىنا نۇقسان كەلەتىن اقپاراتتىق ماتەريالدار ەسەپكە الىنباعان. سونىمەن قاتار، شەتەلدەگى وزگە باعىتتى ۇستاناتىن نەمەسە قاتىسى بار ادامداردى ەلگە كىرگىزبەۋ تۋرالى ماسەلە دە قارالۋ قاجەت ەكەن. كەلەسى جىلدان باستاپ جاڭا قىلمىستىق كودەكس كۇشىنە ەنەدى. وندا ەكسترەميزم مەن تەرروريزمگە قاتىستى جازا كۇشەيتىلگەن. دەگەنمەن، وزگە اعىمداردى ۇگىتتەيتىندەردىڭ قاتارى كوبەيمەسە، ازايماعان. ستاتيستيكالىق مالىمەت بويىنشا، ارباۋعا تۇسەتىندەردىڭ باسىم بولىگى جاستار.

قامشى-اقپارات