كەرالا شتاتىندا قىز ءوزىن زورلاعان 54 جاستاعى ءسۆاميدىڭ (ءۇندىستانداعى قۇرمەتتى ءدىني تيتۋل) جىنىس مۇشەسىن كەسىپ تاستاعان، دەپ جازادى قامشى اقپاراتتىق اگەنتتىگى life.ru-عا سىلتەمە جاساپ.
حاري سۆامي ەسىمدى 54 جاستاعى ەر ادام قىزدىڭ وتباسىنا ءوزىن ءدىني قىزمەتكەر رەتىندە تانىستىرىپتى. بۇعان سەنگەن قىزدىڭ اتا-اناسى ونىڭ ۇيىنە ەركىن كىرۋىنە رۇقسات بەرگەن.
دارىگەرلەردىڭ ايتۋىنشا ەر ادامنىڭ جىنىستىق مۇشەسىن قالپىنا كەلتىرۋ مۇمكىن ەمەس. سۇراۋ الۋ كەزىندە جاس ايەل ەر ادامنىڭ ءوزىن مەكتەپتە وقىپ جۇرگەن كەزىنەن باستاپ زورلاپ كەلە جاتقانىن ايتقان. ەر ادام ونىڭ ۇيىنە قىزدىڭ اۋرۋ اكەسى ءۇشىن دۇعا ەتۋ ءۇشىن ءجيى كەلەدى ەكەن.
قىز ءوزىنىڭ ايتقانىنا جۇرت سەنبەيدى دەپ ويلاپ، اقىرىندا زورلىقشىعا پىشاقپەن قارسىلىق كورسەتكەن. تەرگەۋ كەزىندە زورلىقشىنىڭ ەشقانداي ءدىني قاۋىمداستىققا قاتىسى جوق ەكەنى انىقتالعان.
بۇگىندە زورلىق كورسەتكەن ەر ادامنىڭ جاعدايى ءبىرقالىپتى. ونىڭ ۇستىنەن "زورلىق جاساۋعا ارەكەتتەنۋ" بابى بويىنشا قىلمىستىق ءىس قوزعالدى.
پىكىر قالدىرۋ