قازان ايىنىڭ ونىنشى جۇلدىزىندا قازاقستان رەسپۋبليكاسى ۇلتتىق كىتاپحاناسى مەن س.د.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ ۇيىمداستىرۋمەن  سانجار اسفەندياروۆتىڭ 125 جىلدىعىنا ارنالعان ەسكە الۋ كەشى ءوتتى.  ءىس-شارا اياسىندا ۇلتتىق كىتاپحانا قورىنان س.اسفەندياروۆتىڭ ءومىرى مەن شىعارماشىلىعىنا ارنالعان «ەر ەسىمى ەل ەسىندە» جانە س.د. اسفەندياروۆ اتىنداعى قازاق ۇلتتىق ۋنيۆەرسيتەتىنىڭ كىتاپحانا قورىنان «الاشتىڭ ارداعى» اتتى كورمە ۇيىمداستىرىلدى.  كەشتى ۇلتتىق كىتاپحانانىڭ باس ديرەكتورىنىڭ ءبىرىنشى ورىنباسارى وسپانوۆا باقىتجامال قايىربەك قىزى اشتى.  اتالمىش شارانىڭ مودەراتورى تاريح عىلىمدارىنىڭ دوكتورى، پروفەسسور، اكادەميك، «ينتەلەكت وردا» حالىقارالىق الەۋمەتتىك–گۋمانيتارلىق زەرتتەۋلەرى ىقپالداستىرۋ ينستيتۋنىڭ باس ديرەكتورى ءماجيتوۆ ساتتار فازىل ۇلى بولدى. سونداي-اق، ۇلتتىق مەديسينا  ۋنيۆەرسيتەتىنىڭ رەكتورى، مەديسينا عىلىمدارىنىڭ دوكتورى،پروفەسسورى اقانوۆ ايقان اقان ۇلى قاتىستى. كەشتە س،د.اسفەندياروۆتىڭ ءومىرى مەن شىعارماشىلىعى جونىندە «يستوريا يزۋچەنيا جيزني ي دەياتەلنوستي  سانجارا اسفەندياروۆا»  اتتى  باياندامانى  ش.ءۋاليحانوۆ  اتىنداعى  تاريح جانە ەتنولوگيا ينستيتۋتىنىڭ عىلىمي قىزمەتكەرى، دوكتورانت، سانجارتانۋشى جۇنىسبايەۆ الماس وقىدى. ۇلتتىق مەديسينا ۋنيۆەرسيتەتىنىڭ پروفەسسورى، قازاقستاننىڭ ەڭبەك سىڭىرگەن دارىگەرى ج.گ.مۇستافينا، ۇلتتىق مەديسينا ۋنيۆەرسيتەتىنىڭ اسكەري دايىندىق كافەدراسىنىڭ پولكوۆنيگى م.ك.شۋشبايەۆ، ۇلتتىق مەديسينا ۋنيۆەرسيتەتىنىڭ تۇلەگى قۇنانبايەۆ قۋانىش ءسوز سويلەدى. شارا سوڭى  سانجار اسفەندياروۆتىڭ ءومىرى تۋرالى سيرەك كەزدەسەتىن مالىممەتتەرمەن قامتىلعان فيلم كورسەتىلىپ، ۇلتتىق ۋنيۆەرسيتەتىنىڭ ستۋدەنتى ولجاس مەسوۆ كومپوزيتور ە.حاسانعالييەۆتىڭ «اتامەكەن» انىمەن قورىتىندىلادى.

 اقتولقىن تاجيكوۆا