90-جىلدارىڭ باسىندا ناۋمكيندار وتباسى قيىن جاعدايدى باستان وتكەرگەن. داعدارىس كەزەڭىندە مۋزىكا ءپانىنىڭ ءمۇعالىمى مەن سۋرەتشى ەرلى-زايىپتىلار تەك وزدەرىنە عانا سەنىم ارتا الاتىندارىن تۇسىنگەن. ولار ورمانعا تۇرۋعا شەشىم قابىلدايدى دا، وزدەرىنىڭ كۇندەرىن اۋىل شارۋاشىلىعى ارقىلى كورۋگە بەل بايلايدى. وسى ورماندا ولاردىڭ ودجان ەسىمدى ۇلدارى دۇنيەگە كەلەدى.

بۇل وتباسى تۋرالى جاقىندا عانا بەلگىلى بولدى. ودجاننىڭ اتا-اناسى ۇلدارىن قالاعا جىبەرگەن. ول قايتىپ كەلگەن كەزدە اكە-شەشەسى «ءبىزدى ىزدەمە» دەپ جازىلعان حات قالدىرىپ كەتكەن ەكەن. سول كەزدە قالالىق پروكۋراتۋراعا جۇگىنگەن ول ءوزىنىڭ ءتىپتى  قۇجاتتارى جوعىن اڭعارعان. الايدا ارادا ءبىراز ۋاقىت ءوتىپ ودجاننىڭ اتا-اناسى قايتىپ كەلگەن. وسى وقيعا جۋرناليستەردىڭ قىزىعۋشىلىعىن تۋدىرعان.

جۋرناليستەردى قوناق ەتكەن ودجان ورماندا تۇرسا دا سىرت كەلبەتى كەلىستى جابايىلىقتىڭ ەشقانداي دا بەلگىسى جوق.

وتباسى ءدال وسى جەردە تۇرىپ جاتقاندارىنا ەكى جىل بولىپتى. ودجاننىڭ ايتۋىنشا بۇل ولاردىڭ ەكىنشى ءۇيى. بۇرىن التاي رەسپۋبليكاسىندا تۇرعان. «ءۇي شارۋاسىمەن اينالىسامىن، باقشامىز بار. كوكونىستەردى وسىرەمىز. سودان سوڭ قالاعا اپارىپ ولاردى ساتامىز. اكەم سۋرەت سالادى. ونى دا ساتامىز. وسىدان تۇسكەن قاراجاتقا ءومىر سۇرەمىز»-دەيدى جىگىت.  جاس جىگىت كىتاپ وقيدى، سۋرەت سالادى.

وتباسى تاقتايلاردان جاسالعان جىلىتىلعان جەر ۇيدە تۇرادى. ۇيدە ەلەكتر توعى جوق. الايدا ورمان تۇرعىندارى ۇيالى تەلەفوندارىن قالاعا شىعىپ قۋاتتاپ الادى، پوشتالارىن دا تەكسەرىپ تۇرادى ەكەن.

بۇل ۇيدە بارلىعى قولدان جاسالعان. ەلەكتر توعى جوق بولسا دا بۇل وتباسى راديو تىڭدايدى. سول ارقىلى جاڭالىقتار مەن اۋا-رايىن ءبىلىپ وتىرادى.

زاماناۋي الەمنەن بۇل وتباسى الىستاپ كەتكەن جوق، ناۋمكيندار وتباسى قالاعا جاقىندارى مەن دوستارىنا بارى تۇرادى، ولار دا ورمان تۇرعىندارىنا قوناقتايدى.

ودجاننىڭ اتا-اناسى يتەللەگەنتتى جانە ءبىلىمدى ازاماتتار. ولار تەك شيەلەنىسى كوپ قاربالاس ۇالادان شارشاپ تىنىشتىقتى اڭساعان. ءسويتىپ ورماندا تۇرۋعا شەشىم قابىلدايدى. ەلەنا 47-دە مۋزىكا پانىنەن مەكتەپتە ساباق بەرگەن. ال الەكساندر 58-دە شىعارماشىلىق ادامى، ەزوتەريكالىق كىتاپتاردىڭ اۆتورى.

ودجان اتا-اناسىنىڭ كوزقاراستارىنا تۇسىنىستىكپەن قارايدى. «ادام ء-وزىنىڭ ەڭبەگى ارقاسىندا ءومىر ءسۇرۋ كەرەك»-دەيدى. ەلەنا مەن الەكساندر تابيعات اياسىنداعى جالعىزدىققا ۇيرەنىپ قالسا دا، بولاشاقتا قالاعا جاقىن اۋىلدى جەردە تۇرۋدى جوسپارلاپ وتىر. قارتايعان شاقتا ورماندا تۇرۋدىڭ پايداسىنان گورى قيىندىعى كوپ دەيدى ورمان تۇرعىندارى.

دايىنداعان: نازەركە مۇسا