16 جاستاعى گلازگو تۇرعىنى ەمي تومپسون دوستارىمەن قىدىرعاندى قاتتى ۇناتاتىن. ستۋدەنت قىز ءار دەمالىسىن ءتۇرلى كەشتەردە وتكىزەتىن. سونداي كەشتەردىڭ بىرىندە جاساعان قاتەلىگى ونىڭ ءومىرىن تۇبەگەيلى وزگەرتەدى دەپ ول ەش ويلامادى.

ءقازىر ول مۇگەدەكتەر ارباسىنا تانىلعان. ونىڭ جاقىندارى ەممي ەرتە مە، كەش پە بۇرىنعى قالپىنا كەلەدى دەگەن ۇمىتتە.

ءقازىر ەممي كوڭىل كوتەرەتىن ورىندارعا باراتىنداي جاعدايدا ەمەس. ول ەكى جىل كومادا جاتتى. ەندى عانا ەسىن جيىپ، بالا سەكىلدى قايتا ءجۇرۋدى، سويلەۋدى ۇيرەنىپ ءجۇر. دارىگەرلەر ونىڭ بۇرىنعى قالپىنا قايتا كەلمەۋى مۇمكىن ەكەنىن ەسكەرتەدى. قانداي جاعداي دا ساۋىعى پروسەسسى ۇزاققا سوزىلاتىنى انىق.

ەمميدىڭ تۋىستارى باسقا ادامدار دا وسىنداي سۇمدىقتى باستان كەشىرمەۋى ءۇشىن ەمميدىڭ وقيعاسىن جاريالاپ وتىر.

كۋاگەرلەردىڭ سوزىنشە، بارلىعى كىشكەنتاي دارىلەردەن باستالعان. ەممي قۇربىلارىمەن كەشتەردىڭ بىرىندە ەسىرتكى ساۋدالايتىن ادامنان ءدارى ساتىپ الادى.  

جارتى ساعاتتان كەيىن ءتورت قىزدى جەدەل جاردەممەن اۋرۋحاناعا جەتكىزەدى. ەمميدىڭ قۇربىلارى تەز ساۋىعىپ كەتتى. ال ەمميدىڭ جاعدايى وڭالمادى. ستۋدەن قىز كوماعا ءتۇستى.

دارىگەرلەر ونىڭ ويانباۋى مۇمكىن ەكەنىن ايتقان. الايدا ەممي ەسىن جيدى. ەسىرتكى ونىڭ ميىنا قاتتى زاقىم كەلتىرگەن.

ەندى قىز قالىپتى ومىرگە قايتا ورالۋىنا كوپ ۋاقىت قاجەت.

شولۋشى: سابينا رامازان