«ايەل باقىتى» باعدارلاماسىنىڭ تەلەجۇرگىزۋشىسى  ءلايلا سۇلتان قىزى «بالاپان» تەلەارناسىنىڭ باسشىلىعىنان كەتتى دەپ حابارلايدى قامشى اقپاراتتىق اگەنتتىگى..

«5 جىل از با، كوپ پە بىلمەيمىن، ءبىراق ۋاقىت قىمبات جانە سول ۋاقىتىڭدى ارناعان ءىس قىمبات. سوندىقتان مەن ءۇشىن "بالاپاننىڭ" ءجونى بولەك. "بالاپاندى" باپتاۋ - كادىمگى كىشكەنتاي بالانىكىندەي كۇتىمدى قاجەت ەتەدى. ونى جۇرەگىڭمەن جاقسى كورەسىڭ، ەڭبەگىڭدى، ىنتا-جىگەرىڭدى ارنايسىڭ، بىلىممەن قۋاتتاندىراسىڭ، تامىرىنان الىستاماۋىن، جاڭادان قالىسپاۋىن قالايسىڭ، توقتاتپاۋعا، تەك العا جەتەلەۋگە تىرىساسىڭ... 7 جاسقا جەتىپ قالعان، «بالاپانعا» قاراپ، سۇيسىنەتىن ساتتەردىڭ كوپ بولعانىنا كوزىم جەتەدى. بارىنە ريزاشىلىعىمدى بىلدىرەمىن!بۇگىن بالا كۇتىمىنە بايلانىستى دەمالىستا بولعان ارىپتەسىمە بارلىق جۇمىستى زاڭدى تۇردە تاپسىردىم، ءبىراق "بالاپانعا" وسى سالانىڭ مامانى رەتىندە،ودان بۇرىن انا رەتىندە قاشاندا تىلەكتەس، جاناشىر بولىپ جۇرەتىنىم اقيقات! ءقازىر «بالاپان» رەيتينگ بويىنشا ەفيرلىك ارنالاردىڭ ءبىرازىنان وزىپ تۇر. الدا دا وسى كورسەتكىشىن جوعالتپايتىنىنا سەنەمىن. راقمەت «بالاپان»، - دەپ جازعان بولاتىن ءلايلا سۇلتان قىزى Instagram الەۋمەتتىك جەلىسىندە.

«بالاپان» تەلەارناسىنىڭ باسشىلىعىنا جۋرناليست جانار شامەل كەلدى.

شولۋشى: اقنۇر مۇحتارحان