امۋر وبلىسى تىندين اۋدانىنىڭ تۇرعىنى جاقىندا عانا جوندەلگەنىمەن جولدىڭ ورمانمەن ءبىتىپ قالاتىن بولىگىن ۆيدەوعا ءتۇسىرىپ، الەۋمەتتىك جەلىگە جاريالادى، دەپ جازادى قامشى اقپاراتتىق اگەنتتىگى امۋر جاڭالىقتار قىزمەتىنە سىلتەمە جاساپ.
ءقاۋىپتى تراسسا سولوۆيەۆسك اۋىلىندا ورنالاسقان. ۆيدەو اۆتورى ءدال وسى جولدا كوپ جاعدايدا جول اپاتتارىنىڭ ورىن الاتىنىن ايتتى. قاتتى جىلدامدىقپەن جۇيتكىپ كەلە جاتقان كولىكتەر ورمان ىشىنە قاراي «ۇشىپ» كەتەتىن كورىنەدى.
«امۋر جاڭالىقتار قىزمەتى» وڭىرلىك پورتالىنىڭ حابارلاۋىنشا، ا-360 «لەنا» تراسساسىنىڭ بۇل بولىگى 2016 جىلى پايدالانۋعا بەرىلگەن ەكەن. جول قىزمەتىنىڭ وكىلدەرى «تىعىرىق جول» بولاشاقتا وسى جەردى تۇزەتۋ ماقساتىندا قالدىرىلعانىن ايتىپ اقتالدى جانە كولىك جۇرگىزۋشىلەرى ءۇشىن تىعىرىق ەكەنىن كورسەتەتىن ارنايى بەلگىلەر ورناتاتىندارىنا ۋادە بەردى.
شولۋشى: گۇلىم جاقان
