2012 جىلدىڭ ءساۋىر ايىندا ۋكرايندىق جۋرناليست وكسانا سيابرو ءوزىنىڭ Facebook پاراقشاسىنا ساشا ەسىمدى بالا تۋرالى جازدى. بالانىڭ جاسى 6-دا. ساشا وتباسىندا التىنشى بالا. ايەلدىڭ ايتۋىنشا، اناسى ونى باسقا بالالارىنان بولەكتەيدى.  بالا اس ۇيدە ەسكى كەرۋەتتە ۇيىقتايدى ەكەن. اناسى ونى ءجيى سوققىعا جىعادى. ءبىر كۇنى ءتىپتى 2 ءتىسىن بالعامەن ۇرىپ تۇسىرگەن. ونىڭ بار كىناسى ۇستەلدە تۇرعان تاماقتى جەگەنى.

ەڭ قىزىعى تۋعان اۋىلىندا ونى كەرەمەت انا دەپ ەسەپتەيدى ەكەن. ونىڭ باسقا بالالارى مۇنتازداي تازا جۇرەدى. ال ساشا اۋىرىپ قالعانىن ايتىپ، وزگەلەرگە كورسەتپەيدى.

ساشا جازدا قىسقى ەتىكپەن جۇرەدى ەكەن. سەبەبى بۇل ونىڭ جالعىز اياق كيىمى. ونىڭ ءتىپتى ءوز ءىش كيىمى دە بولماعان. ساشا اعالارىنىڭ ەسكى كيىمدەرىن كيىپ جۇرگەن. بۇل جاعداي تۋرالى جۋرناليستەر ەستىگەننەن كەيىن بىردەن ساشانىڭ تۇراتىن اۋىلىنا قاراي تارتادى. ساشانىڭ نەنى قالايتىنىن سۇراعان جۋرناليستەرگە تەك سورپا مەن جۋىنىپ الۋىن سۇراعان.

قاتىگەز ايەلدى تۇسىرۋگە كەلگەن ءتۇسىرىلىم توبىن كورگەندە ايەل كوپ بالالى انا ەكەنىن ايتىپ، ءۇي الۋعا قاراجات سۇراماق بولعان. الايدا مۇندا ساشا ءۇشىن كەلگەنىن بىلگەندە ايەل قورقىپ كەتكەن. ول پەرزەنتحانادا بالاسىن اۋىستىرىپ الدى ما دەپ قورىققانىن ايتقان. ودان كەيىن ساشا ۇنەمى ونىڭ اشۋىنا تيەتىنىن مويىنداعان.

وتباسى مۇشەلەرىنىڭ بارلىعى اناسى ونى كۇندە ۇراتىنىن مويىندادى. ايەلدى پوليسەيلەر الىپ كەتكەن.

ءقازىر بالا اۋرۋحانادا.

وندا ول ىستىق تاماق ءىشىپ، جىلى توسەككە ۇيىقتاي الادى.

شولۋشى: اسەم المۇحانبەت