كەز كەلگەن قالىڭدىق تويىندا ءمىنسىز بولۋدى قالايدى. توي الدىندا اناسى مەن قۇربىسىنان، جاقىن دوستارىنان اقىل سۇرايدى.
93 جاستاعى اجەي دە ۇيلەنۋ تويىنىڭ الدىندا قانداي كويلەك تاڭداسام ەكەن دەپ شارق ۇرىپ ءجۇر.
سيلۆيا مارتين ءوزىنىڭ ەسكى تانىسى، ءارى عاشىعى فرەنك ەسىمدى ەر ادامعا تۇرمىسقا شىقپاق. ۇيلەنۋ تويىندا ەڭ سۇلۋ قالىڭدىق بولۋ ءۇشىن ءتۇرلى دۇكەندەردى ارالاپ، كويلەك ىزدەۋدە.
سيلۆيا كوپشىلىكتىڭ پىكىرىن ءبىلۋ ءۇشىن فەيزبۋك جەلىسىنە سۋرەتتەرىن جۇكتەيدى. سۋرەتتە ءتۇرلى كويلەك كيىپ تۇسكەن ايەل كوپشىلىكتىڭ دۇرىس پىكىر بىلدىرەتىنىنە سەنىمدى بولادى.
فرەنك پەن سيلۆيا قارتتار ۇيىندە تۇرادى. فرەنك سيلۆياعا بۇرىن دا ۇيلەنۋگە ۇسىنىس جاساعان. الايدا ايەل ءوزىنىڭ مارقۇم كۇيەۋىنە جاسالعان ساتقىندىق بولار دەگەن ويمەن ۇسىنىستان باس تارتىپ كەلگەن.
شولۋشى: ايگەرىم تاۋباي
