«سينيي كيت» ويىنىنىڭ ورنىنا «روزوۆايا فەيا»، «سوباچيي كايف» جانە تىرتىق قالدىرۋ كۆەستەرى پايدا بولدى

بۇگىندە جاسوسپىرىمدەردىڭ اراسىندا ارتى ولىمگە الىپ كەلەتىن ويىندار كەڭىنەن تاراپ كەتتى. كوكتەمدە ءبارى «سينيي كيت» دەگەن ويىننان كەيىن وزدەرىنە قول جۇمساسا ، بۇگىندە ۋكرايندىق بالالار «روزوۆايا فەيا» مەن «سوباچيي كايف» ويىندارىنا قىزۋعىشىلىق بىلدىرۋدە دەپ جازادى قامشى اقپاراتتىق اگەنتتىگى

بالالاردىڭ اتىشۋلى ويىندارمەن ويناپ اتاققا يە بولعىسى كەلسە، تىرتىق ارقىلى وزگەلەردى عاشىق قىلدىرماقشى ەكەنى بەلگىلى بولدى

«روزوۆايا فەيا»

12 جاستاعى وسپىرىمدەرگە ارنالعان «سينيي كيت» تەكتەس «كۆەست فەي ۆينكس» ويىنى ءوز اۋديتورياسىن تەز جينادى. بۇل ويىنعا ىلىككەندەردىڭ كوبىسى قىزدار. ارينە، ءار كىشكەنتاي قىزدىڭ ارمانى – مەيىرىمدى جانە ادەمى پەريزات بولۋ. بۇل ويىن كومپيۋتەرلەر مەن پلانشەتتەردە دە بار. ءبىر قاراعاندا، سۇيكىمدى، ادەمى، ەش زيانى جوق پەريزاتتاردان جاماندىق كۇتپەيسىڭ. ءبىراق، كۆەستكە ىلىككەندەر قانشاما؟ ويىننىڭ ءبىرىنشى تاپسىرماسى: تەرەزەگە جاقىنداپ، تومەندەندە نە تۇرعانىڭ ايتىپ بەرۋ. ال سوڭعى تاپسىرماسى: تۇندە ءبارى ۇيقتاپ جاتقاندا ويانىپ، كەرۋەتىندى 3 رەت اينالىپ، دۋانى ايتۋ. كەيىن اس ۇيگە بارىپ، سىرىڭكەنى جاندىرماي، گازدى قوسىپ ءارى قاراي ۇيىقتاۋ. تاڭەرتەڭ پەريزات بولىپ ويانۋ ءۇشىن بارلىق شارتتاردى ورىنداۋى ءتيىس. ءبارى  بالالاردى بۇل ۇلكەن قۇپيا ەكەنىنە سەندىرۋدەن باستالادى.

تىرتىق قالدىرۋ

ۋكراينانىڭ ءجاسوسپىرىم قىزدارىندا دەنەلەرىن نەشەتۇرلى تىرتىقتارمەن بەزەندىرۋ سانگە اينالدى. بالالار تىرتىق قالدىرۋدى تاتۋدان قاراعاندا الدەقايدا كۇشتى ەكەنىڭ ايتادى. لەزۆيامەن، پىشاقپەن تىلىمدەلگەن جەرلەرى بار بالا، ءوز ورتاسىندا ەرەكشەلەنىپ، باتىلدىقتىن بەلگىسىن كورسەتەدى. قىز بالالار تىرتىقتاردى جىگىتتەردى وزىڭە قاراتۋ ءۇشىن جاسايدى ەكەن. ولاردىڭ تۇسىنىگى بويىنشا: ەگەر مەندە تىرتىق بولسا، مەنى ناعىز باتىل، ەسەيگەن قىز دەپ ويلايدى دەيدى.

«سوباچيي كايف»

تىرتىق قالدىرۋدان باسقا 9-12 جاس ارالىقتاعى بالالاردا  تانىمال ۇردىستەردىڭ بىرىنە اينالعان "وزىنە فيزيكالىق اۋىرلىق كورسەتۋ"  تاسىلدەردى دە بار. مىسالى: «سوباچيي كايف»، ءوزىن شارفپەن قىلقىندىرۋ جانە وزگە ادام قابىرعاعا تاقاپ، كەۋدەندى بار كۇشىمەن يتەرۋ دەگەن سەكىلدى. ماقساتى: تالىپ قالۋ كەزىندە «باسقا ءومىردى كورۋ» جانە «استرالعا كىرۋ». وسىنداي ويىندارمەن ويناپ كورمەگەن بالا ءوز قاتارلاستارىنىڭ اراسىندا «لۋزەر» دەگەن اتاققا يە بولادى.

شولۋشى: الميرا اسلانوۆا