ديماش قۇدايبەرگەن قحر ءتوراعاسى سي ءسزينپيننىڭ ەلىمىزگە ساپارى بارىسىندا ءوز رەپەرتۋارىنان ءان ايتىپ بەرگىسى كەلەتىن ايتتى، دەپ حابارلايدى قامشى اقپاراتتىق اگەنتتىگى.

بۇل تۋرالى ءانشى قىتايدىڭ  CCTV ورتالىق تەلەارناسىنا بەرگەن سۇحباتىندا ايتتى.  

«الەم حالقىنىڭ ۇشتەن ءبىرى قىتايدا تۇرادى. وسى ەلدەگى جانكۇيەرلەرىمنىڭ ماعان دەگەن سەزىمى كۇللى قازاق حالقىنا دەگەن، قازاق باۋىرلارىمىزعا دەگەن قۇرمەتى دەپ بىلەمىز. وسىنداي ۇلكەن مەملەكەتتە ءان سالىپ، ونەر كورسەتۋ مەن ءۇشىن ۇلكەن باقىت. ءتوراعا سي ءسزينپيننىڭ ەلىمىزگە ساپارى بارسىندا ءوزىمنىڭ رەپەرتۋارىمداعى ەڭ جاقسى دەپ سانايتىن ءانىمدى ورىنداپ بەرگىم كەلەدى. جانە دە ورايى كەلىپ جاتسا، مەنىڭ جولىمدى اشقان «ءانشى» جوباسىنا قاتىستىرىپ، وسىنداي مۇمكىندىك تۋعىزىپ وتىرعان قازاقستان مەن جۇڭگو ەلىنىڭ اراسىنداعى دوستىق قارىم-قاتىناستىڭ ساقتالىپ كەلە جاتقانى ءۇشىن راقمەتىمدى انمەن جەتكىزگەن بولار ەدىم. ەكى ەلدىڭ دوستىعىن اتا-بابالارىمىز امانات ەتىپ قالدىرعان مادەني مۇراسىن بىر-بىرىمىزگە كورسەتۋ ارقىلى نىعايتا تۇسەمىز دەپ ويلايمىن»، - دەدى ديماش قۇدايبەرگەن جۇڭگو تەلەارناسىنا بەرگەن سۇحباتىندا.