ماريا مانسيا ءوزىنىڭ ۇلىن 21 جىلدا ءبىرىنشى رەت كورگەن كەزدە ءوز كوزىنە ءوزى سەنبەدى. «وسىنشاما ۋاقىت بويى مەن ونىمەن نە بولعانىن بىلمەدىم»-دەيدى ايەل. ونىڭ ۇلى ستيۆ ەرناندەستى ۇرلاپ الىپ كەتكەن كەزدە ول نەبارى 18 ايلىق ەدى. بالانى ۇرلاعان ادام ونىڭ قۇجاتتارى مەن سۋرەتتەرىن ءتىپتى ۋدز-نىڭ سۋرەتىن الىپ كەتكەن ەكەن.

ءستيۆتىڭ اناسى سول 1995 جىلى بولعان سوراقى كۇندى قىنجىلىسپەن ەسكە الادى. ءوزىنىڭ جالعىز ۇلىن جوعالتقان كۇن انانىڭ ەسىنەن قالاي كەتسىن؟ تۋعان تۋىستارىنان بالانىڭ جالعىز عانا سۋرەتىن تاۋىپ العان. 20 جىل بويى ول وسى سۋرەتتى وزىمەن بىرگە ۇستاعان.

پوليسيا ايەلدىڭ ۇلىن ىزدەستىرگەنىمەن ونى تابا الماعان. ناتيجەسىندە 20 جىلدان كەيىن مەكسيكا جاقتان بەلگىسىز دەرەكتەر پايدا بولا باستادى. بالانى ۇرلاعان ءوز اكەسى بولىپ شىققان. سول ۋاقىتتا بالانىڭ اكەسى ءىز-تۇسسىز جوعالىپ ءولدى دەپ ەسەپتەلگەن.

«مەن ءوزىمنىڭ انامنىڭ ءتىرى ەكەنىن بىلگەندە، ونىڭ مەنى ىزدەستىرىپ جۇرگەنىن بىلگەندە ەسىمنەن تانىپ قالا جازدادىم. قاتتى قۋاندىم»-دەيدى 22 جاستاعى جىگىت.

ستيۆ اناسىنا ورالعان كەزدە ءوزىنىڭ قالاي ءوسىپ، ەسەيگەنىن سۋرەتتەرىمەن كورسەتكەن. مەكسيكادا زاڭگەردىڭ وقۋىن وقىپ جۇرگەن،  ەندى اقش-تاعى ۋنيۆەرسيتەتكە اۋىسىپ اناسىمەن بەرگە تۇرماقشى.

«ارقامنان وتە اۋىر جۇك تۇسكەندەي بولدى. ءومىرىمنىڭ 21 جىلىن ۇلىمدى ىزدەۋگە جۇمسادىم. ول تۋرالى ەشتەڭە بىلمەسەم دە، ونىڭ امان ەكەنىنە سەندىم»-دەيدى ايەل.

ايەلدىڭ ءوز ۇلىن تابۋى شەكسىز سەنىمىنىڭ ەسەبىنەن. سەبەبى سەنىم عانا ءبىزدى العا جەتەلەيدى، ءومىر سۇرۋگە قۇلشىنىس بەرەدى. تەك قانا سەنىم..

دايىنداعان: نازەركە مۇسا