نازارلارىڭىزعا ۇسىنىلىپ وتىرعان وقيعا قيالدان تۋعان دۇنيە بولىپ كورىنۋى مۇمكىن، الايدا بۇل شىندىق. دارىگەر ايەلگە ىشتە ولگەن بالانى الدىرتۋ ءۇشىن جاساندى تۇسىككە ارنالعان دارىلەر جازىپ بەرەدى. بىرنەشە كۇننەن كەيىن ۋدز كورسەتكىشى ىشتەگى بالانىڭ ءتىرى ەكەنىن كورسەتەدى.

كاتەرينا ۋرەدجي ايەلدەر دارىگەرىنە كەلەدى. ونىڭ ايتۋىنشا دارىگەردىڭ كومەگىنە  ءبىرىنشى رەت جۇگىنىپ وتىرعان جوق. تەكسەرىستەن وتكىزگەن دارىگەر ايەلدىڭ قۇرساعىنداعى ءسابيدىڭ جۇرەگى توقتاپ قالعانىن ايتقان. دارىگەر ايەلدە جاتىردى بوساتۋدىڭ ءۇش جولىن ۇسىنادى: ىشتەگى ءولى سابيمەن ءبىراز ۋاقىت جۇرسە، ءىشتىڭ ءوزى بوسايدى. جانە وپەرابەلدى، مەديكامەتوزدى جولدى ۇسىنادى. ال ءۇشىنشىسى جاتىردى بوساتۋ ءۇشىن ءتۇرلى قۇرالدار قولدانۋ. كاتەرينا ءۇشىنشى نۇسقانى تاڭدايدى.

«ۋدز-دان وتكەن كەزدە ويىمدا ەش جامان نارسە بولعان جوق. دارىگەر ىشتەگى بالانىڭ ءولى ەكەنىن ايتقاندا جۇرەگىم قاق ايىرىلدى»، دەيدى كاتەرينا.

دارىلەر ءىشۋدى تاڭداۋ سەبەبى، ۇيدەگى توماس ەسىمدى ۇلىنا كۇتىم جاساۋ كەرەك بولعاندىعىنان ەكەنىن ايتىپ ءوتتى.

گورموندى ءدارى جاتىردىڭ جۇمسارىپ، بوسانۋعا بەيىمدەۋ كەرەك بولعان. الايدا ەكى كۇن ءدارىنى قولدانعان ايەلدەن توقتاۋسىز قان كەتە باستاعان. سول ساتتە دارىگەرىنە بارىپ، باسقا ءدارى بەرۋىن سۇراعان.

ۋدز تەكسەرۋى كەزىندە دارىگەر ءۇنسىز شىعىپ كەتىپ، ارتىنشا ءوزىنىڭ ارىپتەسىمەن ورالعان. كەلگەن دارىگەردىڭ ايتۋى بويىنشا ءسابيدىڭ جۇرەگى سوعىپ تۇرعان. دارىگەر ۇسىنعان دارىلەر ايەل مەن بالانىڭ ومىرىنە ءقاۋىپ توندىرگەن.

ءسابي اناسىنىڭ قۇرساعىندا جاتقاندا تۇسىككە ارنالعان ءدارى قىزعا قالاي اسەر ەتكەنى بەلگىسىز بولدى. ءبىراق مەديسينا قىزمەتكەرلەرى كاتەرينانى الدىن الا ەسكەرتۋ جاساپ، ءدارىنىڭ اسەر ەتەتىنىن ايتقان. جۇكتىلىكتىڭ12ء-شى ايىندا ورىن العان جاعداي ءسابيدىڭ دامۋىنا ءوز زيانىن تيگىزبەي قويماس ەدى.

سول ساتتە دارىگەرلەر كاتەريناعا تۇسىك جاساتۋدى ۇسىنعان. كاتەرينا بۇل ءسابيدى كوپتەن كۇتكەنىن ايتىپ، ۇسىنىستان باس تارتقان. دارىگەرلەردىڭ بىلىكسىزدىگىنە نارازىلىعىن بىلدىرگەن.

ايەل بۇگىندە بولعان جايتتى ۇمىتىپ، ءسابيىنىڭ دۇنيەگە امان ەسەن كەلۋىن كۇتۋمەن ءجۇر. ال دارىگەرلەرگە گيپوكراتقا بەرگەن انتىنا ادال بولىپ، جاۋاپكەرشىلىكپەن قاراۋدى سۇرايدى.