بۇرىنعى كەزدە ءۇندى فيلمدەرى وتە كوپ كورسەتىلىم جينايتىن ەدى. ءقازىر دە ءۇندى ەلىنىڭ فيلمدەرى دامىپ كەلە جاتىر. الايدا بۇرىنعىداي ەمەس، وزگەرگەن.  بولليۆۋدتتىق  فيلمدەردى كورىپ وسكەن حالىق سول كەزدەگى اكتەرلەردى ءالى كۇنگە دەيىن ەستەن شىعارعان جوق.

وسىدان بىرنەشە جىل بۇرىنعى «تانسور ديسكو»، «زيتا مەن گيتا» سەكىلدى الەمگە ايگىلى فيلمدەردىڭ اكتەرلەرىنىڭ قازىرگى ءومىرى كوپشىلىكتى قىزىقتىراتىنى ءسوزسىز.

اميتابح باچچان ءقازىر 74 جاستا.  ول اكتەر، تەلەجۇرگىزۋشى، ءتىپتى ساياساتكەر بولىپ تا قىزمەت اتقارادى. ول كينو سالاسىنا سىڭىرگەن ەڭبەگى ءۇشىن ءۇندىستاندا ءتۇرلى  ماراپپاتتاۋلار بەرىلگەن. ول «كەك پەن جازا»(مەست ي زاكون) اتتى فيلم ارقىلى اتاقتى بولا باستاعان.  ول ءالى كۇنگە دەيىن ءتۇرلى فيلمدەرگە ءتۇسىپ ءجۇر.

ميتحۋن چاكرابورتي ءقازىر 67 جاستا. ول 1982 جىلى «تانسور ديسكو»  فيلمىنە تۇسكەننەن كەيىن الەمگە ايگىلى بولدى. اتالعان فيلم الەمدىك كلاسسيكاعا اينالىپ، ميتحۋن چاكابورتي كوپ قىزداردىڭ سۇيىكتىسىنە اينالدى. سول فيلمنەن كەيىن ول 365 فيلمگە تۇسكەن ەكەن.

رەكحا ءقازىر 62 جاستا. ول ءوز شىعارماشىلىعىن 12 جاسىنان باستاعان ەكەن. ءتىپتى تۇسىرىلىمدەرگە ۇلگەرۋ ءۇشىن وقىپ جاتقان مەكتەبىن دە اياقتاماي تاستاپ كەتكەن. كەيىن ول اكتەر اميتابح باچچانمەن تانىسىپ، بىرگە جۇرەدى. الايدا اكتەر ءوز وتباسىنان تاستاپ كەتە المايدى، سونىمەن بىرگە رەكحادان دا ايرىلعىسى كەلمەيدى. وسى وقيعاعا بايلانىستى حالىق ەكى ءتۇرلى پىكىردە ەدى. ءبىرى ولاردىڭ ۇيلەنگەنىن قالاسا، ءبىرى اميتابحانىڭ كوڭىلدەسىن تالقىلاپ، جەك كورەتىن.

الايدا رەكحا ءالى كۇنگە دەيىن تۇرمىسقا شىقپاعان كورىنەدى.

راكحا گۋلزار ءقازىر 70 جاستا. ول بىرنەشە فيلمدەرگە ءبىر ۋاقىتتا ءتۇسىپ جۇرگەندە، شارشاپ، كۇيزەلىسكە ءتۇسىپتى.  كەيىن ول ءوز شىعارماشىلىعىن ۋاقىتشا توقتادى. وعان سەبەپ ونىڭ جۇيكە جۇيەسىن جۇقارۋى ەكەن. ءبىراق ونىڭ دارىندىلىعىنا سۇيسىنگەن پروديۋسسەرلەر مەن رەجيسەرلەر ونى بىرنەشە مارتە فيلمگە تۇسۋگە شاقىرىپ، كوندىرگەن كورىنەدى. ول شىعارماشىلىعىن جالعاستىرماس بۇرىن كۇيەۋىمەن اجىراسىپ كەتەدى.

شريديەۆي ءقازىر 54 جاستا.  ول 4 جاسىنان باستاپ كينوعا تۇسە باستاعان.  ول بالليۆۋدتاعى ەڭ تانىمال اكتريسا اتانعان.  ءبىراق 1997 جىلى ءومىرىن ءوز وتباسىنا ارناۋ ءۇشىن شىعارماشىلىعىنان باس تارتادى.  ءقازىر ول كينوپروديۋسسەر بولىپ فيلم ءتۇسىرۋدى جوسپارلاپ ءجۇر.

حەما ماليني ءقازىر 68 جاستا. ول بيلەگەندى قاتتى جاقسى كورەتىن. كينو سالاسىنا دا العاشىنادا ەپيزودتىق رولدە بيلەۋ ءۇشىن كەلگەن ەكەن.   ونىڭ دارىندىلىعىن بايقاعان رەجيسسەر وعان كينوعا تۇسۋگە ۇسىنىس جاسايدى. ول گيتانىڭ ءرولىن سومداۋ ارقىلى اتاقتى بولدى.  ول بولليۆۋدتا  دحارمەندرا اتتى جىگىتپەن تانىسىپ، ارالاسىپ جۇرەدى. الايدا ول جىگىت بۇرىن ۇيلەنگەندىكتەن حەمانىڭ اكەسى قىزىن تۇرمىسقا بەرۋگە قارسى بولعان. حەماعا كوپتەگەن اتاقتى اكتەرلەر ۇسىنىس جاساسا دا، ولاردىڭ ۇسىنىسىن قابىلداماعان.  ول بىرنەشە جىل بويى ءوزىنىڭ قازىرگى كۇيەۋى بولعان دحارمەندرانى كۇتىپ جۇرگەن. ءۇمىتى الدامادى، ءقازىر ولار باقىتتى وتباسى رەتىندە بۇكىل ءۇندىستانعا ۇلگى بولدى. 

اۋدارعان: اسەل وتەشوۆا