شوتلاندياداعى ەپيسكوپ شىركەۋى ءبىر جىنىستىلارىڭ نەكەلەرىن ماقۇلداۋدى داۋىسقا سالعان. ەپيسكوپ شىركەۋى ۇلىبريتانياداعى مۇنداي شەشىمدى قابىلداعان العاشقى شىركەۋلەردىڭ ءبىرى، دەپ حابارلايدى شەتەلدىك ب ا ق.
شىركەۋدىڭ سينودى بۇل باستامانى قولداۋدى ءجون ساناپتى.
سينودتىڭ شەشىمى بويىنشا، شىركەۋدە نەكە قيۋ تەك گوموسەكسۋالدارعا عانا ەمەس، شىركەۋدىڭ كەز-كەلگەن ءىزباسارلارىنا رۇقسات ەتىلگەن.
«ەندى ءبىرجىنىستى جۇپتار شىركەۋدە قۇدايدىڭ الدىندا نەكەلەسەدى، بىر-بىرىنە انت بەرەدى»، - دەدى شوتلانديالىق ەپيسكوپ شىركەۋىنىڭ باس يەرارحى ديەۆيد چيلينگۆورت.
سينودتىڭ شەشىمىن لگبت قاۋىمداستىعى دا قولدادى.
«شىركەۋ قىزمەتكەرلەرى بۇل شەشىمدەرى ارقىلى لگبت قاۋىمداستىعىنا قۇرمەتپەن قارايتىندارىن كورسەتتى»، دەدى Stonewall Scotland ۇيىمىنىڭ باسشىسى كولين ماكفارلەين رەيتەر اگەنتتىگىنە بەرگەن سۇحباتىندا.
ءبىر جىنىستى نەكە شوتلانديادا 2014 جىلى ماقۇلدانعان، الايدا شىركەۋلەرىنىڭ بىردە-بىرى بۇل شەشىمگە قولداۋ كورسەتپەگەن بولاتىن. قارسىلىق تانىتقان شىركەۋلەردىڭ باسىندا شوتلاندتىق جانە ريم كاتوليك شىركەۋى بولدى.
شولۋشى: گۇلىم جاقان
