اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى، رەسپۋبليكامىزدىڭ كەي جەرلەرىندە جاڭبىرمەن نايزاعاي كۇتىلەدى، ەكپىندى جەل سوعادى، وڭتۇستىكتە شاڭدى داۋىل بولىپ، بۇرشاق جاۋۋى مۇمكىن، ال باتىستا جاۋىن-شاشىنسىز دەپ حابارلايدى قامشى اقپاراتتىق اگەنتتىگى "قازگيدرومەت" رمك سىلتەمە جاساپ. 
 

جامبىل، وڭتۇستىك  قازاقستان وبلىستارىنىڭ  كەي جەرلەرىندە تاڭەرتەڭ جانە كۇندىز جەل 15-20، ەكپىنى 23-28 م/س كۇشەيىپ، بۇرشاق بولۋى مۇمكىن. اقمولا، سولتۇستىك قازاقستان، قاراعاندى، شىعىس قازاقستان  وبلىستارىنىڭ كەي جەرلەرىندە جەل 15-20 م/س كۇشەيىپ، بۇرشاق بولۋى ىقتيمال. پاۆلودار وبلىسىندا، كۇندىز الماتى وبلىسىنىڭ كەي جەرلەرىندە جەل 15-22 م/س كۇشەيەدى. قىزىلوردا وبلىسىنىڭ كەي جەرلەرىندە جەل شاڭدى داۋىلمەن 15-20 م/س كۇشەيىپ، كۇندىز بۇرشاق بولۋى مۇمكىن. قوستاناي وبلىسىنىڭ  كەي جەرلەرىندە تۇمان بولىپ، جەل 15-20 م/س كۇشەيەدى.

كۇندىز قىزىلوردا، وڭتۇستىك قازاقستان، شىعىس قازاقستان، قاراعاندى، جامبىل وبلىستارىنىڭ كەي جەرلەرىندە وتە جوعارى ءورت ءقاۋىپى كۇتىلەدى.

استانا ق: كوشپەلى بۇلتتى، كەي ۋاقىتتا جاڭبىر جاۋىپ، نايزاعاي بولادى. سولتۇستىك-باتىستان  سوققان جەل  9-14، ەكپىنى 15-20 م/س كۇشەيەدى.  اۋانىڭ  تەمپەراتۋراسى تۇندە +8+10°س، كۇندىز +18+20°س بولادى.

الماتى ق: كوشپەلى بۇلتتى، كۇننىڭ ەكىنشى جارتىسىندا وتكىنشى جاڭبىر جاۋادى، نايزاعاي بولادى. جەلدىڭ كۇشى 0-5،  نايزاعاي كەزىندە ەكپىنى 8 م/س بولادى. اۋانىڭ تەمپەراتۋراسى تۇندە +13+15°س، كۇندىز +28+30°س بولادى.