بۇل ءىس ماسكەۋ قالاسىندا ورىن العان. ەكى قىز مارينا مەن يرا ءبىراز ءسپيرتتى ىشىمدىك ءىشىپ دەمالۋدى جوسپارلاعان، سەرگىپ قايتۋدى ويلاعان. الايدا تۇنگى قىدىرىسقا شىعايىن دەسە يرانىڭ التى ايلىق بالاسى بولعان. سول ساتتە قۇربىسى مارينا  ءسابيدى ءوزىنىڭ اناسىنا اپارىپ، قاراي تۇرۋىن ۇسىنعان.

مارينانىڭ اناسى كەلىسىمىن بەرىپ، ءسابيدى وزىنە الىپ قالادى. مارينا كەيدە اناسىمەن، ءتىپتى كەيدە وگەي اكەسىمەن ءبىر ۇستەلدە وتىرىپ ىشىمدىك ىشەدى ەكەن. سوعان قاراماستان بالاعا جاقسى كۇتىم جاساي الادى. سول سەبەپتى بالانىڭ جاۋاپكەرشىلىگىن بىرنەشە كۇنگە ءوز موينىنا الۋدى ۇيعارادى. مارينا ءسابي مەن وعان كەرەكتى جايالىقتاردى اپارىپ بەرەدى.

ويىن-ساۋىق باستالىپ، كەشقۇرىم مارينا اناسىن كورىپ قايتۋعا بەل بايلايدى. اناسى سول ساتتە بالكوندا ۇيىقتاپ جاتىر ەكەن. بالانى ۇيدەن ىزدەپ تابا المايدى. كورشىلەردەن سۇراستىرعاندا كىشكەنتاي ءسابيدى ەكىنشى قاباتتان لاقتىرعاندارىن ايتتى. ارتىنشا اۋرۋحاناعا الىپ كەتكەنىن جەتكىزدى. قىزدار بۇل جايتقا باستاپقىدا سەنە الماعان. بىردەن مارينانىڭ وگەي اكەسى ەسىنە تۇسەدى. وگەي اكەسى ىشىمدىكتىڭ كۇشىمەن نەگە بولسىن باراتىن ادام ەكەنن ايتادى.

سول ساتتە مارينانىڭ وگەي اكەسى جوعالىپ كەتەدى. ال يرا بولسا بولعان جاعدايدى ەستي سالىسىمەن ماريناعا ۇمتىلا جونەلدى. ءوزىنىڭ تامىرىن كەسۋدى دە ويلايدى. قارت اجەسى ەسىنە ءتۇسىپ، ءوزىن سابىرعا شاقىرادى.

يرانىڭ اجەسىنەن باسقا ەشكىمى بولماعان. ەرتەڭىنە مارينا مەن يرا «سكليف» اتالاتىن بالالار اۋرۋحاناسىنا بارادى. ءسابي جانساقتاۋ بولىمىندە جاتقان جانە دارىگەرلەر بالانىڭ امان قالاتىنىنا كەپىلدىك بەرە المادى.

يراعا بالاسىنىڭ جاعدايىن باياندادى. دەنەسىنىڭ بارلىعى كوگەرگەن، باسىنا زاقىم كەلگەن.

بالانىڭ ساۋىعاتىنىنا ءۇمىت تىم از ەدى. ءۇش كۇن بويى بالاسىنا بارىپ جۇرەدى. ءتورتىنشى كۇنى ءسابيدىڭ دۇنيەدەن وزعانىن حابارلاعان.

ءسابيدىڭ اناسى بولعان جايتقا ەش قايعىرمادى. تۇنگى ويىن-ساۋىق پەن قىدىرىسىنا ەشكىم كەدەرگى كەلتىرمەيتىنىن ءبىلىپ، تويلاۋدى جالعاستىرا بەردى.

سوت ۇكىم شىعاراتىن كۇن بەلگىلى بولدى. كۋاگەرلەردەن جاۋاپ الىنىپ، وگەي اكەسىن تۇتقىندادى. وعان 30 جىل اباقتىعا قامالۋ جازاسىن بەردى. ءىس بارىسنىدا قىلمىسكەردىڭ اپكەلەرى ءىستى قايتا قاراۋعا ارىز بەردى. سوت 30 جىلعا تاعى 2 جىل قوسىپ بەردى.

بۇگىندە يرا ەكى بالانىڭ اناسى. جاس جىگىتپەن بىرگە تۇرىپ جاتىر. ول ەر ادام ەكى بالاسىن كوپ رەنجىتەدى. ال مارينانىڭ ءومىرى باسقا ارناعا بۇرىلىپ، جاعدايى جاقسارا تۇسكەن. الايدا انا اتانۋ تۇرمىس قۇرعاننان 5 جىل وتكەن سوڭ بۇيىرىپتى. مارينانىڭ اناسى 2004 جىلى دۇنيەدەن وزدى. ال يرا مەن مارينا بىر-بىرىمەن ارالاسپايدى.

بۇل بولعان وقيعادان شىعاتىن قورىتىندى: ءسابيدى ايالاۋ كەرەك، كۇتىم جاساۋ كەرەك. سوندا عانا كەلەڭسىز جاعدايلار ورىن المايدى.اركىم ءوزىنىڭ وتكەن قاتەلىكتەرى ءۇشىن جاۋاپ بەرەدى. 

اۋدارعان: ايگەرىم تاۋباي