قازاقستاندىق رەجيسسەر باقتيار يسلاموۆتىڭ "تام، گدە جيۆەت ەديپ" قىسقامەتراج ءفيلمى اۆستريانىڭ لەنسينگ قالاسىندا وتكەن 45ء-شى حالىقارالىق Festival of Nations كينوفەستيۆالىندە "ۇزدىك ەكسپەريمەنتتىك فيلم" جۇلدەسىنە يە بولدى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.

فيلم پروديۋسەرى داريا كورنەيەۆانىڭ ايتۋىنشا، كارتينا الماتى وبلىسىندا تۇسىرىلگەن. ءفيلمنىڭ رەجيسسەرى، اۆتورى ءارى قويۋشى وپەراتورى - باقتيار يسلاموۆ. قازىلار القاسىنىڭ ايتۋىنشا، فيلمدەگى كادرلاردا ەرەكشە ايقىندىق بار. سونداي-اق، وسى ءفيلمنىڭ فەستيۆالدە ۇسىنىلعان قازاقستاندىق جالعىز فيلم ەكەنى ايتىلادى. وسىلايشا، قازاقستان العاش رەت "ۇزدىك ەكسپەريمەنتتىك فيلم" جۇلدەسىن جەڭىپ الىپ وتىر.

ايتا كەتەيىك، Festival of Nations - اۆسترياداعى كوممەرسيالىق ەمەس قىسقامەتراج فيلمدەردىڭ فەستيۆالى. ول UNICA ۇيىمىنىڭ جانە اۆستريا ۇكىمەتىنىڭ قولداۋىمەن وتكىزىلەدى. جىل سايىن كينوفەستيۆالگە قاتىسۋعا الەمنىڭ 55 ەلىنەن 1 000 ءوتىنىش كەلىپ تۇسەدى. كينوفەستيۆالدىڭ ەرەكشەلىگى - بارلىعى كينونى كورىپ بولعان سوڭ قازىلار القاسى ونى كينەماتوگرافتارمەن تالقىلايدى. بيىل گەرمانيا مەن اۆستريانىڭ پروديۋسەرلەرى ءارى رەجيسسەرلەرى قازىلار القاسى رەتىندە كەلسە، Unica پرەزيدەنتى دەيۆ ۆوتەرسون فەستيۆالدىڭ قۇرمەتتى قوناعى بولدى.

باقتيار يسلاموۆ 31 جاستاعى اقىن، كينورەجيسسەر، قىسقامەتراج فيلمدەردىڭ اۆتورى. ونىڭ "نەبو ناد بەرلينوم موەگو دەتستۆا "(2015 جىل) ءفيلمى نيۋ-يوركتەگى فەستيۆالدە (12th Harlem International Film Festival) ەكى رەت جۇلدە العان. سونداي-اق، رەجيسسەر لوس-اندجەلەستە وتكەن Los Angeles World International Film Festival بايقاۋىندا جۇلدەلى بولعان.