بۇگىن اتىراۋ «قۇرمەت» وردەنىنىڭ يەگەرى، كورنەكتى قوعام قايراتكەرى، ەكونوميكا عىلىمدارىنىڭ دوكتورى، پروفەسسور، ۇلتتىق ءبىلىم اكادەمياسىنىڭ اكادەميگى، ەلىمىزدىڭ جوعارى ءبىلىم بەرۋ سالاسىنىڭ دامۋىنا زور ۇلەسىن قوسقان نۇرىشيەۆ عالىمجان جۇماباي ۇلىنىڭ 1995-2004 جىلدارى تۇرعان ۇيىنە ەسكەرتكىش تاقتا ورناتۋ ءراسىمى ءوتتى.
شاراعا عالىمنىڭ تۋعان-تۋىستارى، قىزمەتتەستەرى، دوس-جاراندارى مەن وبلىس جۇرتشىلىعا قاتىستى.
تاقتانىڭ اشىلۋ راسىمىندە سويلەگەن وبلىس اكىمى نۇرلان نوعايەۆ عالىمجان نۇرىشيەۆتىڭ كاسىبي بىلىكتىلىگى مەن ادامي قاسيەتتەرىن تىلگە تيەك ەتىپ، ونىڭ ءومىر جولىنان كەيىنگىلەردى ۇلگى الۋعا شاقىردى.
جيىندا سونىمەن قاتار حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى ابزال احات ۇلى تالتەنوۆ، اتىراۋ وبلىسى قوعامدىق كەڭەسىنىڭ مۇشەسى انەس بيسەن ۇلى، اقىن-جازۋشى ءجۇسىپ ءقادىر سويلەپ، جيىلعانداردى ەستەلىك تاقتانىڭ اشىلۋىمەن قۇتتىقتادى.
بۇدان سوڭ ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە پروفەسسور نۇرىشيەۆ عالىمجان جۇمابايۇلىن ەسكە الۋعا ارنالعان «جاقسىنىڭ جارىعى وشپەيدى» اتتى دوڭگەلەك ۇستەل ءوتتى.
