كەيدە باقىت ەڭ سوڭىندا كەلەدى. تەك كۇتۋ كەرەك. تومەندەگى وقيعا مەن ونىڭ باستى كەيىپكەرلەردىڭ باستان وتكەرگەنى وسىنىڭ دالەلى.
نيگەريالىق جۇبايلاردىڭ وقيعاسى كوپ ادامدارعا تانىس ءارى تۇسىنىكتى بولۋى مۇمكىن. ادجيبولا مەن ادەبوييا - ءسۇيىپ قوسىلعان ەرلى-زايىپتىلار. بىرگە بالا ءسۇيۋ ولاردىڭ ارمانى بولعان.
17 جىل بويى ادجيبولا ءوز سۇيىكتىسىنەن بالا كوتەرۋگە تىرىسقان. جۇكتى بولۋ ءۇشىن بارلىق تاسىلدەردى قولدانعان. بارماعان دارىگەرى جاساماعان ەمى قالماعان. ءتىپتى ايەل بالا كوتەرە الايمىن با دەگەن كۇدىك كەلتىرە باستاعان.
تاعاتتارى تاۋسىلعان كۇيەۋىنىڭ تۋعاندارى ەر ادامعا قىسىم جاساي باستاعان. ءتىپتى باسقا ايەل الۋدى دا ۇسىنعان. الايدا ادەبوييا ايلىمەن ءسۇيىپ قوسىلعان ەدى، سوندىقتان وزگە تۋرالى ويلاعىسى كەلمەگەن.
كوپتەن كۇتكەن جۇكتىلىك بەلگىلى بولعان كەزدە ەرلى-زايىپتىلار قۋانىشتان ەس جيا الماي قالعان. بولاشاق اكە ايەلىن ساپالى دارىگەرلەرگە تابىستاعىسى كەلىپ اقش-قا اپارادى.
ەرلى-زايىپتىلارعا ءتورت بالانىڭ اتا-اناسى اتاناتىندىقتارىن ايتقان. الايدا شىندىق ويلاعانداي بولمادى. جۇكتىلىكتىڭ 30-اپتاسىندا ايەل 6 بىردەي بالانى دۇنيەگە اكەلگەن.
3 ۇل مەن 3 قىز بوسانعان. ەڭ ءىرى ءسابيدىڭ ءوزى 1،3 كگ بولسا، كىشىسى 700 گ بولعان. ءقازىر سابيلەردىڭ دەنساۋلىعى جاقسى. بىردەن التى بالانى بوسانۋ قازىرگى تاڭدا ەكستراوردينارلىق جاعداي بولىپ ەسەپتەلەدى.
17 جىلدىق سىناقتىڭ وسىنداي قۋانىشپەن اياقتالاتىنىن كىم بىلگەن...
دايىنداعان: نازەركە مۇسا
