مونيكا رايلي بۇرىندارى ەڭ تولىق، ءارى قوزعالىسسىز بولۋ ءۇشىن كۇنىنە 8000 كالوريا تۇتىناتىن.

الەمدەگى ەڭ تولىق ايەل اتانۋعا تىرىسىپ جۇرگەن امەريكالىق مونيكا رايلي بالاسى ءۇشىن كوپ جىلعى ارمانىنان باس تارتتى. بۇل جونىندە Daily Mail جازادى.

300 كەلىلىك ايەل بۇعان دەيىن ەكى مارتە بالاسىن ءتۇسىرىپ العان، بۇل جولى دا اياعى اۋىر. ەندىگى ءسابيىن ساقتاپ قالۋ ءۇشىن ايەل ارىقتاۋعا بەل بۋعان. ءوزىنىڭ ءسابيلى بولاتىنىن بىلگەندە 10 اپتانىڭ ىشىندە 90 كەلى تاستاعان.

«ءبىر كەزدەرى الەمدەگى ەڭ سەمىز ايەل اتانعىم كەلەتىن. توسەككە تاڭىلعان، قوزعالا المايتىن، ۇزدىكسىز تاماقتاناتىن ادام بولعىم كەلدى. ءبىراق اياعىم اۋىر ەكەنىن بىلگەندە، مۇنى ءبىر بەلگى دەپ ۇقتىم»، دەيدى رايلي. بۇگىنگى تاڭدا ايەلدىڭ سالماعى 226 كەلىگە دەيىن تۇسكەن.

ءرايليدىڭ ايتۋىنشا، بالاسىمەن بەلسەندى ءومىر سۇرگىسى كەلەدى، ال توسەككە تاڭىلعان ادام ءۇشىن ول مۇمكىن ەمەس. بالاسىنىڭ قالاي ءوسىپ جاتقانىن دا كورمەيدى.

كەي باق-تاردىڭ مالىمەتىنشە، وسى ۋاقىتقا دەيىن مونيكا ءرايليدىڭ ەڭ سەمىز ايەل اتانۋىنا ونىڭ 25 جاستاعى عاشىعى كومەكتەسكە ەكەن. ەر ادام ايەلدىڭ تەزىرەك سەمىرگەنىن قالاپ، كۇندە تاماق اكەلىپ تۇرعان كورىنەدى.

شولشۋى: سابينا رامازان