قاسيەتتى قۇران كارىمنىڭ «باقارا» سۇرەسىندە: «راسىندا، اللا ماسانى، ودان دا زورعىنى مىسال كەلتىرۋدەن ۇيالمايدى. ال، مۇمىندەر ونىڭ راببىلارىنان ناق حاقيقات ەكەندىگىن بىلەدى»، – دەگەن ايات كەزدەسەدى. وسى اياتتىڭ اينالاسىنداعى اقيقاتتى عىلىمي تۇردە زەردەلەپ كورسەك، اسا قۇدىرەتتى اللا تاعالانىڭ ۇلىقتىعىن مويىنداپ، يمانىڭىزدى كۇشەيتە تۇسەسىز.

قۇراندا ايتىلعان ماسا جاندىگىنىڭ سالماعى – 1 گراممنىڭ 1000/1 بولىگى عانا.  عالىمدار ماسا جاندىگىن ەلەكتروندى ميكروسكوپپەن 400 000 ەسە ۇلعايتىپ زەرتتەۋ بارىسىندا اسقان قۇدىرەتتىلىكپەن جاسالعان جۇيەنى انىقتاعان. سالماعى شاڭنىڭ توزاڭى قۇرلى بولماعان جاڭاعى جاندىكتىڭ 100 كوزى، 48 ءتىسى بار دەگەندى ەندى ميىڭىزعا سىيدىرىپ كورىڭىزشى! ال، كەۋدەسىندە ءۇش جۇرەگىنىڭ ەكەۋى قوس قاناتىنا ارنالىپ، ءارقايسىسىندا ەكى قاقپاقشا جانە ەكى اسقازان جالعاسقان. ورتالىق جۇرەكتىڭ دە ەكى قاقپاقشاسى جانە ەكى اسقازانى بار.

سونداي-اق، ماسانىڭ، ءتىپتى، قۇستاردا دا كەزدەسپەيتىن قاسيەتى بار. ول اينالاسىنداعى زاتتاردى تۇسىنە نەمەسە تۇرىنە قاراپ كورمەيدى. ونىڭ جىلۋسەزگىش جۇيەسى بولمەدەگىلەردى دەنە تەمپەراتۋراسى بويىنشا سەزەدى. مىسالعا، قىستىگۇنى بولمەدەگى تەمپەراتۋرا باعانى 5ء-تى كورسەتىپ تۇرسا، ماسا دەنە قىزۋى 35-36 بولىپ تۇرعان ادامنان باسقا ەشتەنەنى كورمەيدى.

بۇدان بولەك، ماسانىڭ تاعى ءبىر ەرەكشەلىگى – قان تالداعىش اعزاسىنىڭ بار بولۋى. ەگەر بولمەدەگى ەكى جاننىڭ ءبىرىنىڭ قانى ۇناماسا، ول وعان قايتىپ تيىسپەيدى. ال، قانى ۇناعان جاندى قايتا-قايتا مازالايتىنى – ماسانىڭ وسى ورگانىنىڭ ارقاسىندا بولىپ وتىر.

سونداي-اق، ونىڭ سورعان قانىن سۇيىلتاتىن قاسيەتى تاعى بار. ادام بويىنداعى قويۋ قان ماسانىڭ تۇمسىعىنان ەش كەدەرگىسىز وتۋىنە ونىڭ وسى قاسيەتى كومەكتەسەدى. ال، ماسانىڭ اسا دامىعان انەستەزيالىق (اۋرۋدى سەزدىرتپەۋ) جۇيەسى ونىڭ شاققانىن مۇلدەم سەزدىرمەيدى. ماسا شاققانىن سالدەن كەيىن بارىپ سەزەتىنىمىز سوندىقتان.

سونىمەن، ءسال وي جۇگىرتىپ قاراڭىزشى! سالماعى 1 گراممنىڭ 1/1000 بولىگىندەي بولاتىن ماسانىڭ باسىندا 100 كوزى، 48 ءتىسى بار. كەۋدەسىندە ءارقايسىسىندا ەكى قاقپاقشا مەن ەكى اسقازان جالعاسقان ءۇش جۇرەك ورنالاسقان. جىلۋ ايىرعىش، قان تالداعىش جانە ونى سۇيىلتقىش، اۋىرسىنۋدى سەزدىرمەيتىن انەستيەزيالىق اعزالارى بار. ءتىپتى، تۇمسىعىنىڭ ءوزى التى بولىكتەن قۇرالعان: ونىڭ تورتەۋى ءتىلىپ تۇسەتىن پىقشاقتار بولسا، قالعانى ەكەۋى قۇرالا كەلىپ، تۇتىك تۇزەدى.  مىنەكەي، اللا تاعالا مىسالعا كەلتىرگەن ماسا جاندىگى وسىنداي!

اسا مەيىرىمدى اللا تاعالا ادامزات بالاسىنا ءالى كۇنگە دەيىن ءوزىنىڭ بەلگىلەرىن بىلدىرۋمەن كەلەدى. الايدا، اينالاسىنا ءاتۇستى قاراپ، اقىلمەن كوز جۇگىرتۋدى تىيعان جۇرەكتەردىڭ جاراتقان راببىسىنا دەگەن سەنىمى سول باياعى – سوقىرلىق. عىلىم مەن ءبىلىم دامىپ، كۇن سايىن ۇلى جاراتۋشىنىڭ كالامى قۇران كارىمدەگى اقيقاتتى تانىپ جاتساق تا، اسىل دىنىمىزدەن الشاقتاۋ جۇرەتىنىمىز جاسىرىن ەمەس. ويلانايىق!

 ايدوس يمانتاي