ەكىنشى دۇنيەجۇزىلىك سوعىس كەزىندە امەريكالىق سولداتتار وكوپتاردا بىر-بىرىنە ءوز ەلىنىڭ  قورقىنىشتى وقيعالارىن بايانداپ بەرەتىن. سونداي وقيعالاردىڭ ءبىرى 20 عاسىردىڭ باسىندا پەنسيلۆانيا مەكەنىندە تىرشىلىك ەتكەن «جاسىل قۇبىجىق» جايىندا بولدى. جاۋىنگەرلەردىڭ ايتۋىنشا، ول ادام تۇندە كوشە كەزىپ جۇرەتىن كورىنەدى. ءتۇرلى دىبىستار شىعارىپ، ۇستىنەن جاسىل ءتۇس جارقىراپ تۇراتىن. تاستاندى تۋننەلدە ءومىر سۇرەتىن، بەتىندە ۇلكەن جىرىعى بار جاسىل ءتۇستى قۇبىجىق امەريكالىقتاردىڭ اۋزىنان تۇسپەيتىن بولعان.

تەك ادامدار مۇنى جاي عانا اڭىزعا بالاپ، اسا سەنىمدىلىك تانىتا بەرمەيتىن. الايدا «بەتى جوق ءچارليدىڭ» جەلىدە سۋرەتتەرى تاراي باستايدى . ءسويتىپ، ورماندى كەزگەن قۇبىجىق جونىندە اڭىز شىندىققا اينالىپ شىعا كەلدى.

20 عاسىردىڭ باسىندا پەنسيلۆانيا قالاسىندا رايموند روبينسون ەسىمدى بالاقاي ءومىر ءسۇردى. 10 جاسىندا قۇستىڭ ۇياسىن كورگىسى كەلىپ، اعاش باسىنا شىعادى. اقىرى اياعى تايىپ كەتىپ، ەلەكتەرلى سىمداردىڭ ۇستىنە قۇلاپ، سىمداردان توق سوققان.

سونىڭ ساللدارىنان بالانىڭ بەتى قاتتى كۇيىپ قالعان، ال دارىگەرلەر ونى ءتىپتى ەمەدگىسى كەلمەگەن. سەبەبى، رايموند بەتىنەن ايىرىلعان، ونىڭ ورنىنا ۇلكەن تەسىك پايدا بولادى. ونىمەن قوسا، ءبىر قولىنان ايىرىلادى.  ول زامانداردا ەلەكتر «عىلىمداعى سيقىرلى زات» سانالعان، سول سەبەپتى ەل اراسىندا رايموندتىڭ دەنەسىنەن كۇيىكتىڭ سالدارىنان جاسىل ءتۇس جانىپ تۇرادى دەگەن قاۋەسەت تاراعان.

ءيا، رايموند امان قالدى، ءبىراق ءومىرى سۇمدىققا اينالدى. ونى تانىعان دوستارى مەن كورشىلەرى جىرىقتان باسقا تۇگى جوق بەتتىڭ تۇبىندە قانداي مەيىرمدى جاننىڭ جاتقانىن جاقسى ءبىلدى. ال تانىمايتىنداردىڭ كوزىنە ءتۇرى ۇسقىنسىز قۇبىجىق قانا ەلەستەيتىن. العاشىندا ءتۇرىنىڭ ۇسقىنسىزدىعىنا قاراماي جۇمىس ىستەگەن كورىنەدى، بەلدىكتەر، ءامياندار، سومكەلەر جاساپ، كۇن كورەتىن، ءبىراق ادامداردىڭ كوبى ودان بارىنشا اۋلاق بولۋعا تىرىسىپ، ساۋداسى جۇرمەي قالعان. سودان بەرى كوشە كەزىپ كەتەدى.   

بيلىك پەن مەيىرىمدى جاندار وعان كومەكتەسپەك بولدى. الايدا رايموند جالعىز، ءارى تىنىشتىقتا بولۋدى قالاپ، ادامداردان قاشىپ جۇرەتىن. ءسويتىپ ەل اراسىندا تۇندە كوشە كەزىپ جۇرەتىن «بەتى جوق چارلي» تۋرالى اڭگىمە تاراپ كەتەدى. ول ادامداردىڭ كوزىنە تۇسپەس ءۇشىن، كوشەگە تۇندە شىعۋدى ءجون سانايتىن.

ادامدار اراسىندا قۇبىجىق كەيپىندەگى قاراپايىمم ادام بالاسى جونىندە ءتۇرلى قاۋەسەتتەر شىعا باستايدى. ءتىپتى ەلدەگى بەلگىسىز كىسى ءولتىرۋ، ادام ۇرلاۋ سىندى قىلمىستاردى رايموندقا جابا سالاتىن. ۋاقىت وتە كەلە ومىردە شىن مانىسىندە بولعان بالانىڭ وقيعاسى، ادامداردىڭ بويىنا ۇرەي تۋدىراتىن اڭىزعا اينالدى.

ال رايموند روبينسون 1985 جىلى قايتىس بولعان ەكەن.

شولۋشى: سابينا رامازان