2 جىل بۇرىن 28 جاستاعى اقش ازاماتشاسى ليندسي پاراديسو  اياعى اۋىر ەكەنىن بىلگەن. جۇبايى ەكەۋى بۇل جاڭالىققا قاتتى قۋانعان.

جۇكتىلىك ۋاقىتى ءساتتى ءوتىپ جاتقان. بىرنەشە تەكسەرىلىمنەن كەيىن پاراديسو وزىندە قىز بولاتىنىن بىلگەن. جۇبايلار كەڭەسىپ سابيگە ومارا ەسىمىن بەرمەك بولىپ جوسپارلايدى. جۇبايى مەت پەن ليندسي وزدەرىنىڭ سابيلەرىمەن باقىتتى شاقتارىن ەلەستەتىپ بالانى قاتتى كۇتەدى.

الايدا جۇكتىلىكتىڭ 18- اپتاسىندا دارىگەرلەر ەرلى-زايىپتىلارعا سۋىق حابار جەتكىزەدى. ءالى تۋىلماعان ءسابيدىڭ موينىندا ىسىك بارى انىقتالعان ەكەن.

دارىگەرلەر بارلىعىن جاقسىلىققا جورۋعا تىرىسقانىمەن، ۋاقىت وتە كەلە سابيدەگى ىسىك كولەمى ۇلعايا بەرەدى. سابيلەرى ومارانىڭ جاعدايى قيىن ەدى. ونىڭ امان قالۋى 1% قۇراعان. ءتىپتى دۇنيەگە كەلگەننىڭ وزىندە قىز كوپ ۇزاماي ىسىكتىڭ كەسىرىنەن كوز جۇمار ەدى. سوندىقتان لينديسيگە دارىگەرلەر جالعىز شەشىم تۇسىك، بالانى الدىرۋ دەگەن.

الايدا اقش-تا 24-اپتادان كەيىن تۇسىك جاساتۋعا رۇقسات ەتىلمەيدى. سوندىقتان پاراديسو جۇبايلارى باسقا جەرگە بارۋعا تۋرا كەلگەن.

جۇكتىلىكتىڭ 25- اپتاسىندا ليندسيگە تولعاق كەلتىرەتىن ءدارى ەنگىزگەن. ومارانىڭ جۇرەگى ول دۇنيەگە كەلگەن سوڭ بىردەن توقتاپ قالعان.

اتا-انا ءۇشىن جالعىز جۇبانىش-قىزدارىن ءبىر ساتكە بولسىن كورىپ قالۋ بولدى. كورىپ، قولدارىنا ۇستاپ، قوشتاسۋ بولدى.

ءقازىر ليندسي ايەلدەردىڭ  ءقاۋىپتى جاعدايلاردا تۇسىك جاساتۋعا قۇقىعىن قورعايتىن قوعامداستىقتىڭ بەلسەندى مۇشەسى. جەرگىلىكتى شەنەۋنىكتەر رەيتينگ كوتەرۋ ءۇشىن بۇل وتانىڭ تۇرىنە مۇلدەم توسقاۋىل قويماقشى. ال بۇل ارقىلى قانشاما تاعدىر مەن وتباسى شاڭىراعى ويراندالۋى مۇمكىن ەكەنىن ەشكىم ويلاپ تا جاتقان جوق.

ەگەر ليندسيگە تۇسىك جاساتۋعا رۇقسات بەرمەگەندە ونىڭ ومىرىنە دە، ءسابي ومىرىنە دە ءقاۋىپ تونەر ەدى.

ارينە، تۇسىك جاساتۋ- جەڭىل، وڭاي شارۋ ەمەس، ال ونى زاڭداستىرۋ ءتىپتى بۇرىس سياقتى. الايدا ءاربىر جاعداي جەكە قاراستىرىلۋى ءتيىس. سەبەبى جالپى بۇل پروسەدۋراعا توقتاۋ قويا سالۋ وڭاي، دەگەنمەن، كەيبىر جاعدايلار انانىڭ دەنساۋلىعى ءۇشىن ءقاۋىپ تۋدىرۋى نەمەس بالانىڭ امان قالۋى مۇمكىن ەمەس سەكىلدى سالداردىڭ قاۋىپتىلىگى تۋرالى دا ويلانۋ كەرەك.

شولۋشى: سابينا رامازان