جەلەزنودوروجنىي قالاسىنداعى جول اپاتى سالدارىنان 6 جاستاعى بالا قايتىس بولعان. ساراپتاما ناتيجەسىنە سۇيەنەتىن بولساق بالا ماس بولىپتى.

كوپ قاباتتى پاتەرلەردىڭ قاسىندا اتاسى مەن نەمەرەسى سەرۋەندەپ جۇرگەن. سول كەزدە كولىك بالانى 10 مەتر جەرگە دەيىن ۇشىرىپ جىبەرىپتى. بالا جول اپاتى بولعان جەردە تىلگە كەلمەستەن قايتىس بولعان ەكەن.

بالانىڭ قانىنا ساراپتاما جاساعان كەزدە ونىڭ الكوگولدىك ىشىمدىك قابىلداعانى بەلگىلى بولدى. بۇل جاعدايدى بىلگەن بالانىڭ وتباسى مۇشەلەرى ساراپتامانى قايتا جاساۋدى تالاپ ەتكەن.

«تۇسىنىكسىز وقيعالار جول اپاتى بولعان سوڭ 2 ساعاتتان كەيىن ورىن الا باستادى. ۇيگە بوتەن ادامدار باسا كوكتەپ كىرە باستادى. كەلەسى كۇنى جول اپاتى تۇسىرىلگەن ۆيدەو بەلگىسىز سەبەپتەرمەن جوعالىپ كەتتى. ءبىر اي وتكەننەن كەيىن عانا تەرگەۋ جۇمىستارى جۇرگىزىلدى. مەن قورعاۋشى جالداپ، كۋاگەرلەردى تاۋىپ، جول اپاتى بولعان ورىندى سۋرەتكە ءتۇسىردىم. ءبىراق پوليسيا قىزمەتكەرلەرى بولعان وقيعا اكىمشىلىك ءىس بولعاندىقتان كولىك جۇرگىزۋشى اليسوۆاعا بەلگىلى مولشەردە ايىپپۇل تولەتەمىز دەدى. كۋاگەرلەردىڭ ايتۋى بويىنشا، اليسوۆا كولىك جۇرگىىپ كەلە جتقاندا ۇيالى تەلەفونمەن سويلەسكەن جانە جوعارى جىلدامدىقپەن كەلىپ ۇلىمدى قاعىپ كەتكەن»، - دەپ كوزىنە ەرىكسىز جاس الادى ۇلىنان ايىرىلعان اكە.

6 جاستاعى بالانىڭ ولىمىنە سەبەپكەر بولعان ولگا اليسوۆا 31 جاستا. ول ءوز كىناسىن مويىنداماي، بولعان وقيعاعا بالانىڭ ءوزىن كىنالاپ وتىر. شەتەلدىك باق-وكىلدەرىنە سۇيەنەتىن بولساق ولگا اليسوۆانىڭ جەكە كاسىبى بار ەكەن. سونىمەن بىرگە ونىڭ كۇيەۋى جوعارى قىزمەتتە جۇمىس ىستەيدى.

قايتىس بولعان بالانىڭ اكەسىنىڭ  ايتۋى بويىنشا،  ولگامەن تەك ءبىر-اق رەت كەزدەسىپتى. سول كەزدە ولگا وعان 50 000 رۋبل اقشا بەرگەن. وسى وقيعاعا قاتىستى ساراپتاما جۇمىستارى قايتا جاسالىپ، تەرگەۋ جۇمىستارى جالعاسىپ جاتىر.

اۋدارعان: اسەل وتەشوۆا