بۇگىن «استانا ەكسپو-2017» ۇلتتىق كومپانياسىنىڭ باسشىلىعى كورمە ايماعىنداعى تاماقتاردىڭ باعاسىن رەتتەۋ ماسەلەسىن ءتۇسىندىرىپ بەردى، دەپ xابارلايدى قازاقپارات.

كوممەرسياليزاسيا جونىندەگى دەپارتامەنت ديرەكتورى داۋلەت ەركىمبايەۆتىڭ ايتۋىنشا، كومپانيا باسشىلىعى مەيرامxانا، ءدامxانا مەن فاست-فۋد سياقتى قوعامدىق تاماقتانۋ ورىندارىن اشۋ ارقىلى xالىقتىڭ بارلىق توپتارىنا ءتيىمدى باعانىڭ بولعانىن كوزدەگەن. «ماسەلەن، قوعامدىق تاماقتانۋ دۇڭگىرشەكتەرىندە ءبىر تۇسكى استىڭ باعاسى - 1 400 تەڭگە. ول قالانىڭ ورتاشا باعاسىنا سايكەس كەلەدى. سەبەبى استاناداعى ويىن-ساۋىق ورتالىقتارىندا دا تۇسكى استىڭ باعاسى سونداي. ال كورمە ايماعىنداعى ءدامxانالار مەن مەيرامxانالاردا تۇسكى استىڭ ورتاشا باعاسى - 7 500 مىڭ تەڭگە. ول دا - استانا سياقتى مەگاپوليستەردىڭ ورتاشا باعاسى»، - دەيدى ەركىمبايەۆ.

سونداي-اق، ول بۇعان دەيىن عالامتوردا كەڭىنەن تالقىلانعان «تويقازاني اتتى ۇلتتىق تاعامدار مەيرامxاناسىنىڭ باعالارىنا تۇسىنىك بەردى. «شىنىمەن دە، ول - قىمبات مەيرامxانا. سەبەبى تاماقتىڭ ءدامى دە، قىزمەتتىڭ كورسەتۋ ساپاسى دا جوعارى. نەگىزى، ءبىز ءبىر ۇلتتىق تاعام ءۇشىن بىرنەشە ورىندى قاراستىردىق. ماسەلەن، مەيرامxانادا قىمبات بولسا، فۋد-كورتتاردا قازاقتىڭ ۇلتتىق تاعامدارىن بىر-ەكى مىڭ تەڭگەگە الىپ جەۋگە بولادى. سول سياقتى كيوسكىلەردە قازاقى ەتتىڭ ءبىر پورسياسىن 1 200 تەڭگەگە ساتىپ الۋعا مۇمكىندىك بار. سوندىقتان قوعامدىق تاماقتانۋ ورىندارىنىڭ باعاسى ءبىر مەيرامxاناعا تىرەلىپ تۇرعان جوق. وسىنى ءتۇسىنۋ قاجەت»، - دەپ اتاپ كورسەتتى دەپارتامەنت باسشىسى.

ونىڭ ايتۋىنشا، كورمە ايماعىندا 25 ءدامxانا مەن مەيرامxانا جۇمىس ىستەيدى. ول جەردە 15 ۇلتتىڭ تاعامدارىن جەپ كورۋگە بولادى. بۇدان بولەك، فاست-فۋد ونىمدەرى ساتىلاتىن 33 شاعىن كيوسكىلەر بار. وعان قوسا، كەيبىر ۇلتتىق پاۆيلوندار ءوز عيماراتىندا تاماقتانۋ ورىندارىن اشتى.