وڭتۇستىك-حوراسان اۋىلشارۋاشىلىعى ۇيىمى 14 ماۋسىم كۇنى يران ەلىنىڭ سولتۇستىك-باتىسىنداعى سۋ تاپشىلىعى مەن قۇرعاقشىلىق ماسەلەسىن جويۋ ماقساتىندا قازاقستاننان 10 مىڭ گەكتار جەردى جالعا الۋدى جوسپارلاپ وتىر، دەپ حابارلايدى قامشى اقپاراتتىق اگەنتتىگى اگروبيزنەس سايتىنا سىلتەمە جاساپ.

اگرو-اۋتسورينگ وزگە ەلدەردە اۋىلشارۋاشىلىق ونىمدەرىن ارتتىرۋ ماقساتىندا ساتىپ الۋ، جالعا بەرۋ، ليزينگ تاجىريبەسىندە جۇرگىزىلەدى.

يران ەلى وسى جىلى بيداي جانە ارپا وندىرۋدەن ءبىرىنشى قاتارعا شىعۋى مۇمكىندىگىنە قاراماستان، ول كاسپيي وڭىرىندە ورنالاسقان كورشى مەملەكەتتىڭ اگرواۋتسورينگ كومەگىمەن شىعىندى جانە سۋ تاپشىلىعى ماسەلەسىن تومەندەتۋدى كوزدەپ وتىر. سوڭعى جىلدارى مۇنداي كەلىسىم وسىمەن ەكىنشى رەت بولىپ وتىر.

اۋىلشارۋاشىلىعى ۇيىمىنىڭ ءوڭىلى موحامماد-الي ءبيحارريدىڭ ايتۋىنشا، بۇل مەملەكەت جاقىن ارادا ۋكراينامەن ءوزارا مامىلەگە وتىرۋعا ءۇمىتتى ەكەن. سەبەبى، يران ەلىندەگى اۋىلشارۋاشىلىق ونىمدەرىنە سۇرانىس ارتىپ كەلەدى.

يران مەن قازاقستان اراسىنداعى «شەتەلدەگى فەرمەرلىك» دەپ اتالاتىن كەلىسىمشارت وتكەن جىلدىڭ ماۋسىم ايىندا ورىندالعان بولاتىن. بۇل كەلىسىمشارتتىڭ نەگىزگى ماقساتى: اۋىلشارۋاشىلىعى قورىن نىعايتۋ جانە يران ەلىندە وڭتۇستىك امەريكا جانە دە باسقا ءوڭىردىڭ ەكسپەرتتەرىنەن ازىقتى ساتىپ الۋدى قىسقارتۋ.

يران ەلى بىرنەشە ەلدەردەن 1 ملن. گەكتارعا دەيىن جەردى جالعا الىپ وتىر.

اۋدارعان: نازەركە لابيحان