يراكتىڭ موسۋل قالاسىندا مينانىڭ جارىلۋىنان فرانسيادان كەلگەن تىلشىلەر زارداپ شەگىپ، ونىڭ بىرەۋى قازا تاپتى، دەپ حابارلايدى قامشى اقپاراتتىق اگەنتتىگى قازاقپاراتقا سىلتەمە جاساپ.
مەرت بولعان فرانسۋز ءجۋرناليسىنىڭ ەسىمى - ستەفان ۆيلنيەۆ. سونداي-اق، جارىلىس كەزىندە كۇرد ءجۋرناليسى باحتيار حادداد قازا تاپتى. تاعى ەكى فرانسۋز ءتىلشىسى جاراقات العان. بۇل اقپاراتتى زارداپ شەككەندەردىڭ ءبىرى سامۋەل فورە ءوزىنىڭ Twitter-دەگى پاراقشاسىندا راستادى. سونداي-اق، ول ءوزىنىڭ ارىپتەستەرى ءۇشىن جانى كۇيزەلەتىنىن جەتكىزدى.
Le Mond-تىڭ دەرەگى بويىنشا، قازىرگى تاڭدا فورە باعداتقا ەۆاكۋاسيالاندى. موسۋلدا جۋرناليستەردى قالا ءۇشىن كۇرەسىپ جاتقان يراكتىڭ ارنايى كۇشتەر توبى الىپ جۇرگەن. موسۋلدى «يسلام مەملەكەتى» ۇيىمىنىڭ سودىرلارىنان ازات ەتۋ ۇرىسى 2016 جىلدىڭ كوكتەمىندە باستالعان. وعان اقش-تىڭ حالىقارالىق اۆياسيا كواليسياسىنىڭ باسشىلىعىمەن يراكتىڭ اسكەرى قاتىسىپ جاتىر.
18 ماۋسىم كۇنى اسكەردىڭ موسۋلداعى ەسكى اۋدانداردىڭ بىرىندە سودىرلاردىڭ سوڭعى انكلاۆىنا شابۋىل جاساعانى بەلگىلى بولدى.
