گەرمانيا  كانسلەرى انگەلا مەركەل گامبۋرگتە وتەتىن G20 سامميتىنە اقش پرەزيدەنتى دونالد ترامپتىڭ كەلمەيتىنىن  حابارلادى. بۇل تۋرالى قامشى اقپاراتتىق اگەنتتىگى  bigmer.net  اقپاراتتىق سايتىننىڭ مالىمەتىنە سۇيەنە وتىرىپ حابارلايدى.

«امەريكا قۇراما شتاتتارى – G 20 ءسامميتىنىڭ ماڭىزدى مۇشەسى بولىپ سانالادى جانە دە نەمىس فەدەرالدىق ۇكىمەتى  ەشقانداي كەلەڭسىز جاعدايدارعا قاراماستان، اقش دەلەگاسياسىن قارسى الۋعا ءارقاشان دايىن» - دەيدى گەرمانيا كانسلەرى انگەلا مەركەل.

سونداي-اق مەركەل سامميتتىڭ بارلىق قاتىسۋشىلارىن ءبىرجاقتى ىس-اركەتتەردەن اۋلاق بولۋعا شاقىردى.  سونىمەن قاتار، گەرمانيا كانسلەرى تاعى ءبىر رەت دونالد ترامپتىڭ پاريج كەلىسىمى بويىنشا شەشىمىن سىنعا الدى.

G 20 ءسامميتى شىلدەنىڭ 7-8 كۇندەرى وتەدى.

ەستەرىڭىزگە سالا كەتەيىك، 28 مامىردا وتكەن  G7 سامميتىنەن كەيىن  مەركەل ەۋروپا بۇدان بىلاي  ءوز وداقتاستارىنا سەنە المايتىندىعىن  جانە ءوز تاعدىرلارىن وزدەرى شەشۋ كەرەكتىگىن  ايتقان بولاتىن. الايدا، كەيىنىرەك گەرمانيا كانسلەرىنىڭ وكىلى شتەفان زايبەرگ گەرمانيا  ترانساتلانتيكالىق ارىپتەستىكتى جالعاستىرا بەرەتىنىن جانە امەريكا قۇراما شتاتتارىمەن اراداعى تىعىس ساياسي قارىم-قاتىناسقا سەنەتىندىگىن مالىمدەدى.

شولۋشى: اقەركە مارات قىزى