«امەريكا قالاي؟ قازاقستان 50 جىلعا قالىپ قويعان شىعار؟» وسى سۇراق سوڭعى ۋاقىتتا كوپ قويىلىپ ءجۇر. 

دامۋدان قالعانى نەمەسە وزعانى جونىندە ۋاقىت ولشەمىمەن قالاي دالەل كەلتىرۋگە بولادى؟ دەگەنمەن، وسى ساۋالدىڭ جاۋابىنا جاقىنداعان سياقتىمىن.

اقش تاۋەلسىزدىگىن 1776 جىلى جاريالاعان. ءبىز 215 جىلدان سوڭ ەگەمەندىك الىپپىز. 

 سۋرەتتەگى اسپالى كوپىر – برۋكلين بريدج. قۇرىلىسى 1869 جىلى باستالىپ، 1883 جىلى اياقتالعان.
وسى كەزەڭدە قازاقستاندا حاندىق بيلىك جويىلىپ، باس كوتەرگەننىڭ باسى الىنىپ، ونىڭ سوڭى 1868 جىلى بۇكىل قازاق جەرىنىڭ رەسەي يمپەرياسى مەملەكەتتىك مەنشىگىنە وتۋىمەن اياقتالادى.

كەلەسى سۋرەت ەمپاير ستەيت بيلدينگتىڭ ۇستىندە تۇسىرىلگەن. 102 قاباتتى عيمارات 1931 جىلى اشىلعان. ءبىر جىل ءبىر ايدا سالىنعان. 1970 جىلعا دەيىن الەمدەگى ەڭ بيىك عيمارات بولعان. ءقازىر بيىكتىگى جونىنەن 34-ورىندا. ال بىزدە وسى كەزەڭدە حالقىمىزدىڭ جارتىسى اشارشىلىقتان قىرىلىپ قالدى، كوشىپ-بوسىپ كەتتى.

اقش جەر كولەمى بويىنشا 4-ورىندا، قازاقستان 9-ورىندا، ادام سانى بويىنشا 3-ورىندا، ءبىز 64-ورىندامىز.

امەريكانى ەكى مۇحيت تولقىنىمەن تەربەپ جاتىر. ءبىزدىڭ مۇحيتقا شىعار جولىمىز جوق.

«دامۋ» دەگەن كوبىنە ەكونوميكالىق كاتەگوريا. سوندىقتان قازاقستان پالەنشە جىلعا قالىپ قويدى دەپ ايتۋ قيىن. جوعارىداعى ساياسي، تاريحي، گەوگرافيالىق، دەموگرافيالىق جاعدايلاردى، ودان بولەك باسقا دا سۋبەكتيۆتى-وبەكتيۆتى ءجايىتتاردى ەسكەرسەك، الەمدىك ىشكى جالپى ءونىم بويىنشا اقش ەكونوميكاسى بىزدەن 8100 ەسە وزىپ كەتىپتى.

شىڭعىس مۇقاننىڭ فەيسبۋكتەگى پاراقشاسىنان الىنعان