قىرعىزستان پرەزيدەنتى مەملەكەتتىك ءىس ساپارمەن ماسكەۋگە كەلدى. بۇل تۋرالى قامشى اقپاراتتىق اگەنتتىگى Liter مالىمەتتىنە سۇيەنە وتىرىپ حابارلايدى.
19 ماۋسىم كۇنى رەسەي فەدەراسياسىنىڭ پرەزيدەنتى ۆلاديمير پۋتين مەن قىرعىزستان پرەزيدەنتى المازبەك اتامبايەۆ بەيرەسمي كەزدەسۋ وتكىزدى. مەملەكەت باسشىلارى ەكى ەل اراسىنداعى حالىقارالىق ماسەلەلەر مەن ءوزارا ىنتىماقتاستىقتى تالقىلادى. بۇل تۋرالى رەسەي فەدەراسياسىنىڭ ءباسپاسوز-حاتشىسى دميتريي پەسكوۆ ەكى جاقتى كەلىسسوزدىڭ نەگىزگى ءبولىمى بۇگىن، 20-شىلدەدە وتەتىندىگىن حاباردار ەتتى.
كەلىسسوز بارىسىندا ەۋرازيالىق كەڭىستىكتەگى حالىقارالىق ماسەلەلەر، ەكىجاقتى ىنتىماقتاستىق، سونداي-اق ينتەگراسيالىق ۇدەرىستەردى ىلگەرىلەتۋدىڭ ءتۇرلى اسپەكتىلەرىن تالقىلاۋ كوزدەلىپ وتىر.
سونداي-اق قىرعىزستان مەن رەسەي اراسىنداعى وداقتاستىق پەن ستراتەگيالىق سەرىكتەستىكتى نىعايتۋ تۋرالى دەكلاراسيا مەن قوعامدىق دەنساۋلىق ساقتاۋ سالاسىنداعى كەلىسىمدەرگە قول قويۋ جوسپارلانىپ وتىر. سونىمەن قاتار، كوشى-قون ماسەلەسى مەن قارجى سالاسىندا دا كەلىسسوزدەر جۇرگىزىلمەك.
كەلەسى كۇنى المازبەك اتامبايەۆ پرەمەر-مينيستر دميتريي مەدۆەديەۆپەن كەزدەسۋدى جوسپارلاپ وتىر. مەملەكەتتىك ءىس ساپار اياسىندا قىرعىزتان پرەزيدەنتى باشقۇرتستان مەن تاتارستانعا دا باراتىندىعىن اتاپ ءوتتى.
ەستەرىڭىزگە سالا كەتەيىك، قىرعىزستان باسشىسى اعىمداعى جىلدىڭ 1 جەلتوقسانىندا ءوز ورنىن بوساتۋعا ءتيىس. سەبەبى، قىرعىزستان رەسپۋبليكاسىنىڭ كونستيتۋسياسىنا سايكەس مەملەكەت باسشىسىنىڭ لاۋازىمىنا قايتا سايلانۋعا مۇمكىندىك جوق. كەزەكتى پرەزيدەنت سايلاۋى وسى جىلدىڭ 15 قازانىنا بەلگىلەنىپ وتىر.
شولۋشى: اقەركە مارات قىزى
پىكىر قالدىرۋ