ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ەسەپ بەرۋ بارىسىندا سيرياعا كەتىپ قالعاندارعا قاتىستى سۇراقتارعا جاۋاپ بەردى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.
مينيستر سيرياعا كەتىپ قالعان ادامدارعا قاتىستى ماسەلەلەردىڭ ۆەدومستۆونىڭ قۇزىرەتىندە ەمەس ەكەنىن ايتىپ ءتۇسىندىردى. ونىڭ ايتۋىنشا، ادامداردىڭ سيرياعا كەتۋى تەك ءدىني نانىم-سەنىمدەرمەن بايلانىستى ەمەس.
"بۇل ادامدار يسلام قۇندىلىقتارىن مۇلدە دۇرىس تۇسىنبەيدى. ءبىزدىڭ ەلدە كەز كەلگەن ءدىننىڭ سەنۋشىلەرىنە بارلىق جاعداي جاسالعان. ەشكىم ەشكىمگە ءجابىر كورسەتپەيدى. دىنگە سەنەتىن ادامداردىڭ قۇقىقتارى بار. ولار وزدەرىنىڭ ادەبيەتىن وقي الادى، ارينە، ەگەر ول ەلىمىزدىڭ زاڭناماسىنا قايشى كەلمەسە. وسىلايشا ەلدەن كەتىپ جاتقان ادامدار ءدىن دەگەن ءسوزدىڭ ماعىناسىن بۇرمالايدى. ولار زاڭبۇزۋشى بولىپ سانالادى"، - دەدى ەرمەكبايەۆ.
ۆەدومستۆو باسشىسىنىڭ ايتۋىنشا، زاڭنامادا ەلدەن كەتىپ قالعان جانە تەرروريستىك ۇيىمدارعا قاتىسىپ جۇرگەن ادامداردىڭ سوتتىڭ شەشىمىمەن ازاماتتىعىنان ايىرىلاتىنى جايلى نورما قاراستىرىلعان.
"وسى كەزدە عانا ەلدەن كەتكەن ادامداردىڭ جولى جابىلادى. سوندىقتان كەز كەلگەن ادام ەلدەن كەتپەي تۇرىپ جانە تەرروريستىك ۇيىمدارعا كىرمەي تۇرىپ ءوزىن جانە وتباسىنداعى باسقا مۇشەلەردى وتانىنان جانە ازاماتتىعىنان ايىراتىنىن ويلاۋ كەرەك. سيرياعا كەتىپ جاتقان ادامداردىڭ 90 پايىزى ءوز ىستەرىنە وكىنىپ جاتادى. بىرەۋلەرى سوندا قازا بولىپ، وتانىنا قايتا الماسا، تاعى بىرەۋلەرى جازادان قورقىپ، قايتىپ كەلە الماي وتىر. مۇنىڭ بارلىعى ينتەرنەتتەگى ناسيحاتتىڭ سالدارىنان بولىپ وتىر. سوندا بارىپ، حاليفاتتا ءومىر سۇرگىسى كەلەدى. ءبىراق وندا ەشقانداي حاليفات جوق، وندا زورلىق پەن ۇرلىق جانە سول سياقتى قىلمىستىق ارەكەتتەر بولىپ جاتاتىن ناعىز قىلمىستىق ۇيىمدار بار"، - دەدى ەرمەكبايەۆ.
"ءوز اتىمنان ايتارىم، مەن قىزمەتىمە بايلانىستى بىرنەشە جىل بويى ءتۇرلى قالالاردا بولدىم. ءار ەلدە كەمشىلىك بار، ول بولادى دا. بىزدە دە كەمشىلىلىكتەر بار. ءبىراق ءوز تۋعان جەرىڭنەن جاقسى جەر بولمايدى. ەڭ جاقسى مەملەكەت - ول سەنىڭ وتانىڭ"، - دەدى مينيستر ەرمەكبايەۆ.
پىكىر قالدىرۋ