بۇگىن قازاقستان رەسپۋبليكاسى پارلامەنتى ءماجىلىسىنىڭ ءتوراعاسى نۇرلان نىعماتۋلين كورەي رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دەسيك كيمدى قابىلدادى، دەپ جازادى قامشى اقپاراتتىق اگەنتتىگى.

تاراپتار ەكى ەل اراسىنداعى قارىم-قاتىناستىڭ وزەكتى جانە پارلامەنتارالىق ىنتىماقتاستىق ماسەلەلەرىن تالقىلادى.

ءماجىلىس سپيكەرى كورەيانىڭ – قازاقستاننىڭ شىعىس ازياداعى ستراتەگيالىق ماڭىزدى سەرىكتەستەرىنىڭ ءبىرى ەكەندىگىن جانە ەكى مەملەكەتتىڭ قارىم-قاتىناسىنداعى ءوزارا ساياسي بەلسەندىلىكتى اتاپ ءوتتى. ن.ءنىعماتۋليننىڭ مالىمدەۋىنشە، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ 2016 جىلدىڭ قاراشاسىنداعى سەۋلگە ساپارى جاڭا ستراتەگيالىق سەرىكتەستىكتىڭ كەلەشەگىنە جول اشتى.

ءوز كەزەگىندە كورەيالىق ديپلومات قازاقستان پرەزيدەنتى نۇرسۇلتان نازاربايەۆتىڭ ەل وركەندەۋىندەگى سارابدال ساياساتىن اتاپ ءوتىپ، كورەي دياسپوراسىنا دەگەن ىقىلاسىنا العىسىن ءبىلدىردى.

ول استانادا ءوتىپ جاتقان ەكسپو- 2017 ماڭىزىنا، وڭتۇستىك كورەيانىڭ يننوۆاسيالىق مۇمكىندىكتەرىنە، سونىمەن قاتار، ءوندىرىس سالاسىنا، ەلەكترەنەرگياسىن ساقتاۋ مەن پايدالانۋ، «جاسىل ەنەرگەتيكا» مەن ەنەرگيا كوزدەرىن جاڭعىرتۋ ماسەلەلەرىنە توقتالدى.

 دەسيك كيم كورەي ۇكىمەتىنىڭ استاناداعى حالىقارالىق كورمەگە قىزىعۋشىلىعى جايىن ايتىپ، ونىڭ تابىستى وتەتىنىنە سەنىم ءبىلدىردى.

اڭگىمە بارىسىندا يادرولىق قارۋسىزدانۋ مەن ونى تاراتپاۋعا دا نازار اۋدارىلدى.

سپيكەر مەن ەلشى جۇزدەسۋدە ەكى ەل پارلامەنتارالىق بايلانىستارىن نىعايتۋ، ازيا پارلامەنتارالىق اسسامبلەياسى جانە پارلامەنتارالىق وداق شەڭبەرىندەگى بايلانىستاردىڭ تيىمدىلىگىن تىلگە تيەك ەتتى.