قاسيەتتى رامازان ايىندا ماسكەۋدە وسىمەن 12 رەت شاتىر راماداندا اۋىزاشار بەرىلدى دەپ جازادى Qamshy.kz رەسەيدەگى قازاقستان ەلشىلىگى تاراتقان اقپاراتقا سۇيەنىپ.
وعان 800-دەن استام ادام قاتىستى. قوناقتاردىڭ قاتارىندا باسقا كونفەسسيا وكىلدەرى دە بار. جينالعاندار قۇران وقىپ، يسلامنىڭ قۇندىلىقتارىن ءسوز ەتتى. سونداي-اق قوناقتارعا قازاقتىڭ ۇلتتىق داستۇرلەرى تۋرالى باياندالدى. شاريعات بويىنشا، اۋىز بەكىتكەن مۇسىلماندى تاماقتاندىرعان ادام ورازا ۇستاعان جانعا تيەسىلى ساۋاپقا يە بولادى.
«بۇل اۋىزاشاردىڭ ەرەكشەلىگى، كەز-كەلگەن ادام قالاۋىنشا استان الدى. اۋىز بەكىتكەن قاۋىمدى تاماقتاندىرىپ قانا قويماي، ۇلتتىق ەرەكشەلىكتەردى ناسيحاتتاعان ۇيىمداستىرۋشىلارعا ۇلكەن العىس بىلدىرەمىن»، - دەدى ءوز سوزىندە «بولاشاق» باعدارلاماسىنىڭ دوكتورانتى قازبەك داۋىتالييەۆ.
