بانگلادەشتە سوڭعى ەكى كۇن ىشىندە 22 ادامعا جاي ءتۇسىپ، جان تاپسىردى. بۇل تۋرالى قامشى اقپاراتتىق اگەنتتىگى afp.com-عا سىلتەمە جاساپ حابارلايدى.
نايزاعاي ويناعان ساتتە ولار ەگىستىك القاپتا جۇمىس ىستەپ جۇرگەن.
ايتا كەتكەن ءجون، ءقازىر ەلدە نوسەر تولاس تاپپاي تۇر. شەلەكتەپ قۇيعان جاۋىن سوڭى سۋ تاسقىنى مەن لاي كوشكىنىنە ۇلاسقان. تابيعي اپات سالدارىنان وتكەن اپتادا 150-دەن استام ادام وپات بولدى. ءۇي-جايىن تاستاپ، ەۆاكۋاسيالانعان 2 جارىم مىڭ تۇرعىن ءالى كۇنگە ۋاقىتشا ورتالىقتى پانالاپ ءجۇر. ال مامانداردىڭ بولجامى كوڭىل كوشىتپەي تۇر. ولار: «نوسەردىڭ تاياۋ ارادا تولاستايتىن ءتۇرى جوق»، – دەيدى. ادەتتە ماۋسىمدا باستالاتىن جاۋىن-شاشىن ماۋسىمى مۇندا قىركۇيەككە دەيىن جالعاسادى.
شولۋشى: ايگەرىم تاۋباي
