قاراعاندى-جەزقازعان تراسساسىندا جولاۋشىلار اۆتوبۋسىنىڭ تۇگى قالماي جانىپ كەتتى، دەپ حابارلايدى قازاقپارات. «№3 اۆتوپاركى» جشس-نە قاراستى «Yutong» اۆتوبۋسى 20 ماۋسىم كۇنى 16-00-دەر كەزىندە №170 «قاراعاندى-جايرەم» باعىتىمەن كەتىپ بارا جاتقان. كولىكتە 49 جولاۋشى بولعان. بەلگىسىز سەبەپتەرگە بايلانىستى اقوي اۋىلىنىڭ ماڭىندا كولىكتىڭ قوزعالتقىشى ورتەنە باستاعان.

جولاۋشىلاردىڭ ءورتتى سوندىرمەك بولعان ارەكەتتەرىنەن ەشتەڭە شىقپادى. ءورت جولاۋشىلار سالونىن دا قاۋلاي باستاعان. بۇدان سوڭ جولاۋشىلاردىڭ جۇكسالعىشتان زاتتارىن الىپ، ءقاۋىپسىز جەرگە بارىپ تۇرعاننان باسقا ەش امالى قالماعان. «مەرت بولعان نەمەسە زارداپ شەككەندەر جوق. ءبىز ءورت تۋرالى حاباردى ەستىگەن سوڭ بىردەن قوسالقى اۆتوبۋس جىبەردىك»،-دەدى «№3 اۆتوپاركى» ج ش س ديسپەچەرلىك قىزمەتى. اۆتوبۋستىڭ نەلىكتەن ورتەنگەندىگىن ورتكە قارسى كۇرە جانە اپاتتان قۇتقارۋ قىزمەتىنىڭ وكىلدەرى انىقتاۋدا.