ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين (37-0، 33 كو) ورتا سالماقتاعى WBO تۇجىرىمىنىڭ چەمپيونى بيللي دجو سوندەرستىڭ ونەرىنە باعا بەرىپ، بريتاندىق بوكسشى ونىڭ ۇسىنىسىن ەكى رەت قابىلداماعانىن ايتتى.

 بۇل تۋرالى قامشى اقپاراتتىق اگەنتتىگى Sports.kz-كە سىلتەمە جاساپ  حابارلايدى.

«مەن قازىرگى ۋاقىتتا بيللي دجوعا ەمەس، «كانەلوعا» قارسى كەزدەسۋگە بار نازارىمدى اۋدارىپ ءجۇرمىن. بيللي كوپ سويلەيدى. ونىڭ بۇعان دەيىن مەنىمەن كەزدەسەتىن مۇمكىندىگى بولدى. مەن ونىمەن 4 جانە 10 ماۋسىم كۇنى كەزدەسۋدى ۇسىندىم. ءبىراق ول «جوق» دەدى. ال ەندى مەن «كانەلومەن» كەلىسىمگە كەلگەننەن كەيىن ونىڭ اڭگىمەسى كوبەيىپ كەتتى. ەگەر جەكپە-جەك وتكىزگىڭ كەلسە، مەن قارسى ەمەسپىن. مەنىڭ پروموۋتەرىممەن، ءوزىڭنىڭ پروموۋتەرىڭمەن سويلەس. جەكپە-جەكتى ۇيىمداستىر. مەن كەزدەسۋدەن قاشپايمىن. مەنىڭ ماقساتىم – ورتا سالماقتا بارلىق بەلبەۋلەردى جەڭىپ الۋ»، – دەپ كەلتىرەدى گولوۆكيننىڭ ءسوزىن Fight Hub TV.

ايتا كەتەيىك، گولوۆكيننىڭ الداعى كەزدەسۋدەگى قارسىلاسى الۆارەس سوندەرسكە جەكپە-جەك وتكىزۋ ءۇشىن الدىمەن سالماق تاستاپ، ارىقتاۋ كەرەكتىگىن ايتتى. ەسكە سالايىق، سوندەرس ءوز بەلبەۋىن گولوۆكين – الۆارەس بوكس كەشىندە داۆيد لەمەگە قارسى كەزدەسۋدە قورعايتىنىن ايتقان بولاتىن.
 

شولۋشى: ايگەرىم تاۋباي